قاشىقتان ءبىلىم الىپ جاتقان 2 وقۋشىدان كوروناۆيرۋس انىقتالدى

قىزىلوردا وبلىسىندا 19-قاراشاداعى مالىمەت بويىنشا كوروناۆيرۋس ينفەكسياسىنىڭ 5 جاعدايى تىركەلگەن. ونىڭ 1 ى قارماقشى اۋدانىندا، 4 ى قىزىلوردا قالاسىندا بولعان. ايتا كەتەرلىگى، قاتەرلى دەرتتى جۇقتىرعان ادامداردىڭ 3 ى ءبىر وتباسىدان شىققان.

ولار ءبىر-بىرىمەن جاقىن قارىم-قاتىناستا بولعانى انىقتالدى. قاتەرلى دەرتتى جۇقتىرعاندار اراسىندا 2011 جانە 2013 -جىلى دۇنيەگە كەلگەن 2 وقۋشى بار. وقۋشىلار قاشىقتان ءبىلىم الادى. «ناۋقاستاردىڭ اراسىندا پ ت ر اناليزى 4 ادامنان كوروناۆيرۋس ينفەكسياسىمەن اۋىرعان اداممەن قارىم- قاتىناستا بولۋىنا بايلانىستى الىنعان. ال 1 ادام دەنساۋلىق جاعدايىنا بايلانىستى وزدىگىنەن مەديتسينالىق كومەككە جۇگىنگەن. ناۋقاستاردىڭ 1 دە اۋرۋدىڭ كلينيكالىق بەلگىسى بايقالسا، قالعانىندا اۋرۋ بەلگىسىنسىز تۇردە انىقتالدى. قازىرگى تاڭدا 1 ى وبلىستىق جۇقپالى اۋرۋلار اۋرۋحاناسىندا ەم قابىلداپ جاتىر. قالعانى ۇيدە ەم الۋدا جانە مەديتسينالىق باقىلاۋعا الىندى»، - دەپ ءمالىم ەتتى قىزىلوردا وبلىسى سانيتارلىق- ەپيدەميولوگيالىق باقىلاۋ دەپارتامەنتىنەن.

ۆەدومستۆو مالىمەتىنشە، اۋرۋ وشاقتارىندا ماماندار ىندەتكە قارسى ءىس-شارالار ۇيىمداستىرىلعان. ناۋقاستارمەن قارىم-قاتىناستا بولعان ادامدار مەديتسينالىق باقىلاۋعا الىنعان.

اۆتور: ءادىلجان ۇمبەت