الماتى ج ە و-2 گازعا اۋىستىرۋعا قانشا قاراجات كەرەك
جوبا قۇنى شامامەن 98 ميلليارد تەڭگە بولماق. بۇگىن وتكەن قوعامدىق تالقىلاۋ بارىسىندا وسى جايىندا ايتىلدى.
«الماتىدا ەكولوگيا ماسەلەسى وزەكتى. قالانىڭ ەكولوگياسىنا اسەر ەتەتىن فاكتورلاردىڭ ەڭ باستىسى - وسى ج ە و-2 بولەتىن قالدىقتار. ءبىر جاعىنان بۇل - قالاداعى ەڭ ۇلكەن جىلۋ كوزى، عيماراتتاردىڭ 50 پايىزدان استامىنا وسى ورتالىقتان جىلۋ بەرىلەدى»، - دەدى «الماتى ەلەكتروستانسالارى» ا ق باسقارما ءتوراعاسىنىڭ ورىنباسارى جانە باس ينجەنەرى عازيي يسمۇحامبەتوۆ.
ونىڭ ايتۋىنشا، ورتالىقتى مودەرنيزاتسيالاۋدىڭ 4 جولى بار. ينستيتۋت ۇسىنعان ەسەپتەۋلەردىڭ ناتيجەسىندە ءبىرىنشى نۇقسا قابىلداندى. ياعني، كومىرمەن جۇمىس ىستەيتىن قازاندىقتار گازعا اۋىستىرىلاتىن بولدى. كەلىسىم شارتقا سايكەس جىل سوڭىنا دەيىن ينستيتۋت تەحنيكالىق ەكونوميكالىق قۇجاتتاما وتكىزەدى.
«بيىل ءبىز مەملەكەتتىك ساراپتاماعا تەحنيكالىق ەكونوميكالىق قۇجاتتاما وتكىزىپ جاتىرمىز. قۇرىلىس جۇمىستارى 2023 -جىلى باستالادى. سول كەزدە ءبىز قازاندىق اگرەگاتتارىن تۇرعىنداردى جىلۋدان اجىراتپاي- اق بىرتىندەپ كوشىرە الامىز. ءار قازاندىقتى كوشىرۋگە جارتى جىل ۋاقىت كەتەدى. تولىق جۇمىس 2025 -جىلى اياقتالادى. جوبا قۇنى - 98 ميلليارد تەڭگە»، - دەدى سپيكەر.
گازي يسمۇحامبەتوۆ ج ە و-2 گازعا كوشكەن جاعدايدا جىلۋ تاريفى كوتەرىلەتىنىن ايتتى.
«تاريف بويىنشا سامۇرىق قازىنا قورى مەن ۇكىمەت، الماتى اكىمدىگى قارجىلاندىرۋ ماسەلەسىن شەشىپ جاتىر. ەۋرازيالىق قايتا قۇرۋ بانكى، باسقا دا بانكتەرمەن كەلىسسوزدەر ءجۇرىپ جاتىر. وسى تالقىلاۋلاردان سوڭ عانا ناقتى ساندى ايتا الامىز»، - دەدى ول.
«كازنيپي ەنەرگوپروم» ا ق باس ينجەنەرى ماكسيم ۆاسيليەۆتىڭ ايتۋىنشا، 98 ميلليارد تەڭگە الدىن الا ەسەپتەۋ بويىنشا شىعارىلعان سوما. بۇل سوما جوبانى جۇزەگە اسىرۋ بارىسىندا وزگەرەتىن بولادى. ونىڭ ايتۋىنشا، رەكونستۋركتسيالىق جۇمىستاردان سوڭ اۋاعا شىعارىلاتىن زياندى قوسپالار 5,5 ەسە كەميدى. اسىرەسە، كومىردەن شىعاتىن كۇكىرت ديوكسيدى ازايادى.
«قازىر اۋا باسسەينىنە شىعاتىن قوسپالار جىلىنا 38 مىڭ توننا بولسا، ءبىزدىڭ ەسەبىمىز بويىنشا 6 مىڭ تونناعا ازايادى»، - دەدى ماكسيم ۆاسيليەۆ.
اۆتور: گۇلميرا عوسمانالي