شەتەلدەن ۇشىپ كەلگەن قازاقستاندىقتار 2 كۇن ستاتسيونارعا جاتقىزىلادى – قاۋلى

بۇل تۋرالى ق ر باس مەملەكەتتىك سانيتاريالىق دارىگەرىنىڭ ق ر مەملەكەتتىك شەكاراسىنداعى وتكىزۋ پۋنكتتەرىندە كوروناۆيرۋستىق ينفەكسيا اۋرۋىنىڭ الدىن الۋ جونىندەگى شارالاردى ودان ءارى كۇشەيتۋ تۋرالى قاۋلىسىندا ايتىلعان، دەپ حابارلايدى قازاقپارات.

قازاقستان رەسپۋبليكاسىنا شەتەلدەن اۆيارەيستەرمەن كەلەتىن بارلىق ادامدار تەرمومەتريادان، ساۋالنامادان وتەدى جانە قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن كەزدە كەم دەگەندە 72 ساعات بۇرىن الىنعان پ ت ر ادىسىمەن COVID-19-عا تەستتەن وتكەنى تۋرالى انىقتامانى ۇسىنادى.

ال ەگەر كەلگەن ق ر ازاماتتارىندا انىقتاما بولماعان جاعدايدا پ ت ر ادىسىمەن COVID-19-عا زەرتحانالىق زەرتتەپ- قاراۋ ءۇشىن كارانتيندىك ستاتسيونارعا 2 تاۋلىككە وقشاۋلاۋعا جاتادى.

ەسكە سالساق، 6 - قازاننان باستاپ جولاۋشىلار تاسىمالىنداعى تارتىپتەر وزگەرىپ، كارانتيندىك تالاپتار كۇشەيتىلەتىندىگى تۋرالى حابارلاعان بولاتىنبىز. سونىمەن قاتار، قازاقستانعا كەلەتىن شەتەلدىكتەر پ ت ر انىقتامامەن عانا كىرگىزىلەدى.