كوڭىلدەسىنە بەرگەن 2 ميلليون تەڭگەنى جاسىرۋ ءۇشىن پوليتسياعا ارىزدانعان ايەل ۇستالدى
ول كوڭىلدەسىنە بەرگەن 2 ميلليون تەڭگەنىڭ ورنىن كۇيەۋىنەن جاسىرۋ ءۇشىن وسىنداي قادامعا بارعان، دەپ حابارلايدى قازاقپارات ءتىلشىسى.
وبلىستىق پ د باسپا ءسوز قىزمەتىنىڭ مالىمەتىنشە، جابىرلەنۋشى وقيعا ورنىنا جەتكەن جەدەل-تەرگەۋ توبىنىڭ قىزمەتكەرلەرىنە توناۋ قىلمىسى قالاي جاسالعانىن ايتىپ بەرگەن. ونىڭ سوزىنشە، بەتىنە بەتپەردە كيگەن بەلگىسىز تۇلعا ۇيىنە كىرىپ ونى بايلاپ تاستاعان. ءسويتىپ پىشاقپەن قورقىتىپ، ەكى ميلليون تەڭگە اقشاسىن الىپ كەتكەنىن ايتقان.
الايدا اتالعان قىلمىستى اشۋ ماقساتىندا قاجەتتى جەدەل-ىزدەستىرۋ ءىس-شارالارىن جۇرىزگەن جەدەل ۋاكىلدەر وقيعا ورنىنان توناۋدىڭ ەشقانداي ناقتى ىزدەرىن تاپپاعان، سوسىن بۇل قىلمىستىڭ جاسالعانى جالعان دەگەن بولجام جاسادى.
جاۋاپ الۋ بارىسىندا جابىرلەنۋشى پوليتسياعا جالعان اقپارات بەرگەنىن مويىنداعان.
«تەرگەۋ بارىسىندا سايرامدىق كەلىنشەكتىڭ كۇيەۋىنەن جاسىرىپ، كوڭىلدەسىنە ءجيى اقشا بەرىپ وتىرعانى انىقتالدى. ناتيجەسىندە ول ەكى ميلليون تەڭگە جۇمساپ قويىپ، اقشانىڭ جەتىسپەۋشىلىگىن جاسىرۋعا تىرىسقان. سودان كەيىن، سۇيىكتىسى ەكەۋى جوسپار قۇرىپ، «توناپ كەتتى» دەپ جالعان اقپارات بەرۋدى شەشكەن. وسىلايشا، كوڭىلدەس جىگىت جوسپاردى ورىنداۋ ءۇشىن جابىرلەنۋشى ايەلدى بايلاپ، كوزىنەن ۇرعان. ال، كۇيەۋى ۇيگە كەلگەندە، ايەل وعان توناۋشىلاردىڭ شابۋىل جاساعانىن ايتىپ، پوليتسياعا ارىز تۇسىرگەن» دەلىنگەن حابارلامادا.
قازىرگى ۋاقىتتا اتالعان جايت بويىنشا ق ر ق ك 419-بابى «كورىنەۋ جالعان ءسوز جەتكىزۋ» بويىنشا سوتقا دەيىنگى تەرگەۋ امالدارى جۇرگىزىلۋدە.
