اتىراۋدا كوروناۆيرۋس جۇقتىرعاندار سانى 2 مىڭنان اسۋى مۇمكىن
توتەنشە جاعداي رەجيمىن قامتاماسىز ەتۋ جونىندەگى وڭىرلىك جەدەل شتاب وسىنداي اقپارات تاراتتى، دەپ حابارلايدى قازاقپارات.
اتىراۋ وبلىسىنىڭ باس سانيتارلىق دارىگەرى تەمىربەك مۇساعاليەۆتىڭ قازىرگى ەپيدەميولوگيالىق احۋالدى سارالاعان بولجامىنا قاراعاندا، 31- مامىرعا دەيىن وڭىردە ءدال وسىنداي دەرەك تىركەلۋى مۇمكىن.
ونىڭ ايتۋىنشا، اتىراۋ وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ماماندارى وڭىردەگى ەپيدەميولوگيالىق احۋالدىڭ ءوربۋى تۋرالى بىرنەشە نۇسقا دايىنداعان.
تۇرعىندار ءوزىن-وزى وقشاۋلاپ، سانيتارلىق تالاپتار مەن شەكتەۋلەردى ساقتايتىن بولسا، مامىردىڭ اياعىنا دەيىن قاۋىپتى ىندەتتى جۇقتىراتىندار 800 دەن اسپايدى.
«كارانتين تالابى بۇزىلاتىن بولسا، ىندەتتى جۇقتىرۋشىلار سانى جەدەل ءوسىپ، 31- مامىردا 2 مىڭنان اسۋى مۇمكىن. سول سەبەپتەن، شەكتەۋ شارالارىن بىرتىندەپ الۋعا ءماجبۇرمىز»، - دەيدى تەمىربەك مۇساعاليەۆ.
