تۇركيا يتالياداعى 2 جاسار ءسابيدى قۇتقارۋ ءۇشىن اۋە كەڭىستىگىن اشتى

None
None
انكارا. انادولى - قازاقپارات - تۇركيا باعانالى جاسۋشاسىن اۋىستىرۋعا مۇقتاج يتالياداعى ەكى جاسار بالانى قۇتقارۋ ءۇشىن اۋە كەڭىستىگىن اشتى، دەپ حابارلايدى قازاقپارات انادولى اگەنتتىگىنە سىلتەمە جاساپ.

بۇدان بۇرىن انكارا جاڭا ۇلگىدەگى كوروناۆيرۋس پاندەمياسىنا قارسى ارەكەت ەتۋ شارالارى اياسىندا يتالياعا رەيستى توقتاتقان ەدى، ءبىراق بالاعا كومەكتەسەتىن بولدى. 14-ناۋرىزدا يتاليا دەنساۋلىق ساقتاۋ مينيسترلىگىنە قاراستى ۇلتتىق ترانسپلانتاتسيا ورتالىعىنىڭ ديرەكتورى ماسسيمو كارديللو تۇركيا دەنساۋلىق ساقتاۋ مينيسترلىگىنە ەكى جاسار بالاعا باعانالى جاسۋشالاردى جەتكىزىپ بەرۋگە كومەكتەسۋدى سۇراپ، ەلەكتروندىق حات جولدادى. تۇركياداعى دونوردىڭ عانا جاسۋشالارى بالاعا سايكەس كەلگەن. تۇركيا دەنساۋلىق ساقتاۋ مينيسترلىگى يتالياعا جاسۋشالاردى ىستانبۇلداعى اتاتۇرىك حالىقارالىق اۋەجايىندا بەرۋ تۋرالى شەشىم قابىلدادى. ەپيدەمياعا بايلانىستى بارلىق شارالار قولدانىلدى. جاسۋشالار ارنايى وقشاۋلانعان اۋەجاي اۋماعىندا يتاليالىق تاراپقا بەرىلدى.


سوڭعى جاڭالىقتار