13:46, 03 - ءساۋىر 2020 | GMT +6
تاعى 2 ادام كوروناۆيرۋستان جازىلىپ شىقتى
الماتى. قازاقپارات - الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ كوروناۆيرۋستىق ينفەكسياعا بايلانىستى ەپيدەميولوگيالىق احۋال تۋرالى ايتتى، دەپ حابارلايدى قازاقپارات ءتىلشىسى.
ونىڭ ايتۋىنشا، اۋرۋحانادان بۇگىن تاعى 2 ايەل اۋرۋدان جازىلىپ شىقتى.
«بۇگىن ينفەكسيالىق ستاتسيوناردان كوروناۆيرۋستىق ينفەكسيادان جازىلعان تاعى ەكى پاتسيەنت شىعارىلدى. بۇل ەكى ايەلدىڭ ءبىرى - 15 ناۋرىزدا ىستانبۇل- الماتى رەيسىمەن، ەكىنشىسى 22 ناۋرىزدا ەگيپەتتەن ۇشىپ كەلگەن»، - دەدى باسقارما باسشىسى تىلەۋحان ابىلدايەۆ.
جالپى، وسى ۋاقىتقا دەيىن 13 ادام ساۋىعىپ اۋرۋحانادان شىقتى. ولاردىڭ 2 ەۋى - بالا.
اۆتور: گۇلميرا عوسمانالي