22:06, 16 - ناۋرىز 2020 | GMT +5
الماتىدا 2 كاسىپورىن جالاقىنى ساقتاي وتىرىپ، قىزمەتكەرلەرىن دەمالىسقا جىبەردى
الماتى. قازاقپارات - الماتىدا يندۋستريالدى ايماعىندا جۇمىس ىستەيتىن ەكى ءىرى كاسىپورىن جۇمىسكەرلەرىن كارانتين اياقتالعانشا دەمالىسقا جىبەردى.
جۇمىس بەرۋشى ولاردىڭ جالاقىسى مەن جۇمىس ورنىن ساقتاپ قالماق. بۇل تۋرالى قازاقپارات ءتىلشىسى «الماتى يندۋستريالدى ايماعىنىڭ» باسپا ءسوز قىزمەتىنە سىلتەمە جاساپ حابارلايدى.
«TOKYO ROPE ALMATY» ج ش س مەن «ASIA STEEL PIPE COMPANY» ج ش س جۇمىسكەرلەرىن ۋاقىتشا دەمالىسقا جىبەرۋدى ۇيعاردى. كومپانيا باسشىلىعى كارانتين ۋاقىتى بىتكەنشە ياعني 16 - ساۋىرگە دەيىن ولاردىڭ جالاقىسى مەن جۇمىس ورنى ساقتالادى. «ءوندىرىستىڭ جابىق بولعانى، البەتتە بىزگە شىعىن اكەلەدى. ءبىراق، جۇمىسكەرلەردىڭ دەنساۋلىعى ەكونوميكالىق مۇددەدەن قىمبات» ، - دەدى كومپانيا باسشىلىعى.
