قازاقستاننىڭ باسىم بولىگىندە 2- ناۋرىزدا كۇن اشىق بولادى

نۇر-سۇلتان. قازاقپارات - سينوپتيكتەر دۇيسەنبى كۇنى اۋا رايى قانداي بولاتىنىن ايتتى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

2- ناۋرىزدا قازاقستان تەرريتورياسىنىڭ باسىم بولىگى جوعارى قىسىم اۋماعىندا بولادى. وسىعان بايلانىستى جاۋىن-شاشىن جوق، كۇن اشىق بولادى. تەك سولتۇستىك پەن ورتالىقتا قار نەمەسە جاڭبىر جاۋادى. رەسپۋبليكانىڭ كەي جەرلەرىندە تۇمان ءتۇسىپ، كوكتايعاق بولادى. جەل كۇشەيىپ، سولتۇستىكتە جاياۋ بۇرقاسىن كوتەرىلەدى.

اقمولا، سولتۇستىك قازاقستان، پاۆلودار، قوستاناي وبلىستارىنىڭ كەي جەرلەرىندە تۇمان تۇسەدى، كوكتايعاق بولىپ، جاياۋ بۇرقاسىن سوعادى.

قوستاناي، كۇندىز سولتۇستىك قازاقستان، پاۆلودار، اقمولا وبلىستارىندا جەل قارقىنى 15-20 م/س دەيىن كۇشەيەدى.

قاراعاندى وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى. جەل جىلدامدىعى - 15-20 م/س.

جامبىل، قىزىلوردا وبلىستارىنىڭ كەي جەرلەرىندە تۇمان تۇسەدى. جامبىل جانە كۇندىز قىزىلوردا وبلىسىندا جەل ەكپىنى 15-20 م/س جەتەدى.

الماتى وبلىسىنىڭ جالاڭاشكول اۋدانىندا جەل قارقىنى 17-22، 25 م/س دەيىن كۇشەيەدى.

تۇركىستان، اتىراۋ، تۇندە جانە تاڭەرتەڭ شىعىس قازاقستان وبلىسىنىڭ كەي جەرلەرىندە تۇمان تۇسەدى.