اقپاننىڭ 2 ءسى كۇنگى اۋا رايى بولجامى
«قازگيدرومەت» كاسىپورنىنىڭ مالىمەتتەرىنە قاراعاندا، قازاقستاننىڭ باسىم بولىگى ءالى دە بولسا انتيتسيكلونىنىڭ ىقپالىندا. سوعان بايلانىستى ەلىمىزدىڭ باسىم بولىگىندە جاۋىن جاۋمايدى. ەلدىڭ تەك باتىسى، سولتۇستىك- باتىسىندا عانا اتموسفەرالىق اعىنداردىڭ ىقپالىنان جاۋىن- شاشىن بولۋى ىقتيمال. سونداي- اق كەي جەرلەردە تۇمان ءتۇسىپ، كوكتايعاق بولىپ، وڭتۇستىك- شىعىستان سوققان جەل كۇشەيە ءتۇسۋى مۇمكىن.
شىعىس قازاقستان وبلىسىنىڭ كەي جەرلەرىندە تۇمان ءتۇسىپ، جارما اۋدانىندا جەل 15-20 م/س جىلدامدىقپەن سوعادى. الماتى وبلىسىنىڭ تۇندە جانە تاڭەرتەڭ كەي جەرلەرىندە تۇمان ءتۇسۋى ىقتيمال. جالاڭاشكول اۋدانىندا جەل 17-22 م/س جىلدامدىقپەن سوعىپ، ەكپىنى 27 م/س- كە جەتەدى. جامبىل، تۇركىستان وبلىستارىنىڭ كەي جەرلەرىندە تۇمان ءتۇسىپ، كۇندىز جەلدىڭ جىلدامدىعى سەكۋندىنا 15-20 مەترگە جەتەدى. قىزىلوردا، باتىس قازاقستان، اقمولا، اقتوبە، قوستاناي، پاۆلودار، قاراعاندى، تۇندە جانە تاڭەرتەڭ سولتۇستىك قازاقستان وبلىستارىنىڭ كەي جەرلەرىندە تۇمان تۇسەدى. ماڭعىستاۋ، اتىراۋ وبلىستارىنىڭ كەي جەرلەرىندە تۇمان، كوكتايعاق بولادى.
