شىمكەنتتە 2 مىڭنان اسا جۇمىسشى جاسقا پاتەر بەرىلمەك

شىمكەنت. قازاقپارات - شىمكەنت قالاسىنىڭ اكىمى ەرلان ايتاحانوۆ جىل سوڭىنا دەيىن جۇمىسشى جاستارعا بەرىلەتىن پاتەرلەر قۇرىلىسىمەن تانىستى، دەپ حابارلايدى قازاقپارات ءتىلشىسى.

تۇرعىن ۇيلەردى ارالاۋ بارىسىندا اكىم قۇرىلىس كومپانيالارىنىڭ باسشىلارىنا ءۇي قۇرىلىسىن مەرزىمىندە اياقتاۋدى ەسكەرتىپ، ساپاسى مەن ينفراقۇرىلىمدىق جۇيەسىن تالاپقا ساي جاساۋدى تاپسىردى.

ايتا كەتەيىك، جاستار جىلى اياسىندا تۇڭعىش پرەزيدەنت - ەلباسى ن. نازاربايەۆتىڭ باستاماسىمەن شاھاردا بىرنەشە باسپانالاردىڭ قۇرىلىسى باستالعان بولاتىن. جۇمىسشى جاستاردى باسپانامەن قامتۋ شارالارى بۇل كۇندە شاھار باسشىسىنىڭ باستى نازارىندا. جوسپار بويىنشا الداعى ەكى جىلدا قالادا جاستار ءۇشىن كوپپاتەرلى ۇيلەر سالىنىپ، بەرىلەتىن بولادى. باعدارلاما اياسىندا 2704 جاس جالدامالى تۇرعىن ۇيمەن قامتاماسىز ەتىلمەك.

قالادا جاستاردى باسپانامەن قامتۋ ماسەلەسىنە ەرەكشە كوڭىل ءبولىنىپ، جۇيەلى جۇمىستار اتقارىلىپ كەلەدى. جۋىردا عانا قالا اكىمى ەرلان ايتاحانوۆ جاستار جىلى اياسىندا جۇمىس ىستەيتىن 30 جاس مامانعا پاتەر كىلتىن تابىستاعان بولاتىن. اتالعان تۇرعىن ۇيلەر ساتىپ الۋ قۇقىعىنسىز 5 جىلعا جالعا بەرىلگەنى بەلگىلى. ياعني، جاستارى اي سايىن نارىقتاعى پاتەراقىنىڭ ورنىنا 5-7 مىڭ تەڭگە كولەمىندەگى تولەماقىنى تولەيدى. جىل سوڭىنا دەيىن قالادا جۇمىس ىستەيتىن 904 جاس پاتەرمەن قامتاماسىز ەتىلەدى دەپ كۇتىلۋدە.

اۆتور: اينۇر اقبايەۆا