يراكتان قايتارىلعان بالالاردىڭ ەڭ كىشكەنتايى 2 جاسقا دا تولماعان
ستانيسلاۆ ۆاسيلەنكو - يراكقا جەدەل توپپەن بىرگە ۇشىپ بارىپ، بالالاردى قازاقستانعا الىپ كەلۋگە جاۋاپتى بولعانداردىڭ ءبىرى.
«بۇل - 7-8 اي بويى جۇرگىزىلگەن تولاعاي جۇمىستىڭ ناتيجەسى. وزدەرىڭىز ب ا ق ارقىلى بىلگەندەي، قازاقستاندىق انالار مەن بالالار يراكتاعى تۇرمەلەر مەن بالالار ۇيىندە بولعان. ول جاقتان بارلىق قازاقستاندىق بالانى الىپ شىقتىق. ولاردىڭ بىرەۋى - تۇل جەتىم. اكە- شەشەسى، قارىنداستارى مەن باۋىرلارى عيماراتتاعى جارىلىس كەزىندە قايتىس بولعان»، - دەدى ستانيسلاۆ ۆاسيلەنكو ەلوردادا وتكەن باسپا ءسوز ءماسليحاتىندا.
ونىڭ ايتۋىنشا، قازاقستانعا قايتارىلعان بالالاردىڭ كوبى يراك اۋماعىندا دۇنيەگە كەلگەن. ەكەۋى عانا قازاقستاندا تۋعان.
«مەملەكەتتىك ورگانداردان قۇرىلعان ارنايى توپ وسى وپەراتسيانى جۇرگىزدى. 14 بالانىڭ 12- ءسى - ءتورت وتباسىنىڭ مۇشەلەرى. 14 بالانىڭ 8- ءى - قىز، 6-اۋى - ۇل بالا. ەڭ ۇلكەنى - 12 جاستاعى ەر بالا. قازاقستاندا تۋعان. ەڭ كىشىسى - 2 جاسقا دا تولماعان قىز بالا. شىنىمىزدى ايتساق، باعداتتا ءبارى تىنىش دەپ ويلايمىز. ءبىراق، جاعداي ولاي ەمەس. دەمونستراتسيالار مەن قاقتىعىستار بولىپ جاتىر. ءار كوشەنىڭ قيىلىسىندا بلوك- بەكەتتەر تۇر. اسكەر قالاعا كىرگىزىلگەن. ءبارى تىنىش دەۋگە كەلمەيدى»، - دەدى ول.
ەسكە سالا كەتسەك، ق ر پرەزيدەنتى قاسىم- جومارت توقايەۆتىڭ تاپسىرماسى بويىنشا جۇزەگە اسىرىلعان گۋمانيتارلىق اكسيا ناتيجەسىندە يراك تۇرمەسىندە ءوز انالارىنىڭ جانىندا جاتقان 14 قازاقستاندىق بالا ەلىنە قايتارىلعان بولاتىن.
اۆتور: ايان بەكەن ۇلى
