اتىراۋدا تۇراقتاندىرۋ قورىنا 2 مىڭ توننا ازىق-تۇلىك ساتىپ الىندى

اتىراۋ. قازاقپارات - اتىراۋدا تۇراقتاندىرۋ قورىنا 2 مىڭ توننادان استام كارتوپ پەن كوكونىستىڭ، باسقا دا قاجەتتى ازىق-تۇلىكتىڭ قورى ساتىپ الىندى، دەپ حابارلايدى قازاقپارات ءتىلشىسى.

قالا اكىمدىگىنىڭ باسپا ءسوز قىزمەتىنەن ءمالىم ەتكەندەي، قىسقا 700 توننا كارتوپ، 150 توننا پياز، 115 توننا ءسابىز جانە 150 توننا قىرىققاباتتىڭ قورى جيناقتالدى. بۇل كارتوپ پەن كوكونىستەردىڭ ماۋسىمدىق باعا كوتەرىلۋىن تۇراقتاندىرۋ ءۇشىن جەتەرلىك. ولاردىڭ قۇنى نارىق باعاسىنان %10-30 تومەن ساتاتىن بولادى.

«سونداي-اق، تۇراقتاندىرۋ قورىنا 1060 توننا 1-سۇرىپتى ۇن ساتىپ الىپ، ونى ناۋبايحانالارعا بەرۋ تۋرالى شەشىم قابىلداندى. بۇل شارالار ولاردىڭ نان باعاسىن ۇستاپ تۇرۋى ءۇشىن قولدانىلماق»، - دەدى «اتىراۋ» الەۋمەتتىك- كاسىپكەرلىك كورپوراتسياسىنىڭ دەپارتامەنت ديرەكتورى دميتري ديۋ.

اۆتورى: ا. سوكولوۆ