10:41, 06 - ماۋسىم 2019 | GMT +6
الماتى وبلىسىندا ءبىر وتباسىنىڭ 2 بالاسى توققا ءتۇسىپ كوز جۇمدى
نۇر-سۇلتان. قازاقپارات - توققا تۇسكەن بالالاردىڭ ءبىرىنىڭ جاسى 8 دە، ەكىنشىسى 11 دە بولعان، دەپ حابارلايدى قازاقپارات ءتىلشىسى.
«الماتى وبلىسىنىڭ جامبىل اۋدانىنىڭ ەڭبەكشىارال اۋىلىندا كەشە ساعات 20.10 كەزىندە جەكە تۇرعىن ءۇيدىڭ اۋلاسىندا ۇلكەندەردىڭ قاراۋىنسىز قالعان ەكى بالا، ەلەكتر سورعىنىڭ توعىنا سوعىلىپ، وقيعا ورنىندا كوز جۇمدى. بالانىڭ ءبىرى 2008 -جىلعى ب. اسەمباي، ەكىنشىسى 2011 -جىلعى ج. اسەمباي بولعان. وقيعا ورنىندا تۇسىرىلگەن فوتوسۋرەتتەر بار»، - دەدى ق ر ءى ءى م توتەنشە جاعدايلار كوميتەتىنىڭ ءتوراعاسى ۆلاديمير بەككەر ءى ءى م- دە وتكەن باسپا ءسوز ءماسليحاتىندا.
كوميتەت ءتوراعاسى وقيعانىڭ قالاي بولعانىن ايتىپ بەردى.
«الدىن الا مالىمەت بويىنشا، كوز جۇمعان بالالاردىڭ كىشىسى ويناپ ءجۇرىپ، قۇدىقتىڭ ىشىندەگى سورعىنىڭ جالاڭاش سىمىنا قۇلاپ، توققا تۇسكەن. ۇلكەنى كومەكتەسەمىن دەپ ول دا توققا ءتۇسىپ، وكىنىشكە قاراي ەكى بالا دا مەرت بولدى»، - دەيدى ۆلاديمير بەككەر.