قازاقستاننىڭ 2 وبلىسىندا حالىق ساناعى جاڭا ادىسپەن ءوتتى

None
None
نۇر-سۇلتان. قازاقپارات - بۋراباي جانە اياگوز اۋداندارىندا قاناتقاقتى رەجيمدە حالىق ساناعى جۇرگىزىلدى.

بۇل تۋرالى پارلامەنت ماجىلىسىندە مەملەكەتتىك ستاتيستيكا تاقىرىبىنا ارنالعان دوڭگەلەك ۇستەل وتىرىسىندا ق ر ۇ ە م ستاتيستيكا كوميتەتىنىڭ ءتوراعاسى نۇربولات ايداپكەلوۆ ءمالىم ەتتى، دەپ حابارلايدى قازاقپارات ءتىلشىسى.

«اقمولا وبلىسىنىڭ بۋراباي اۋدانى مەن شىعىس قازاقستان وبلىسىنىڭ اياگوز اۋدانىندا پيلوتتىق رەجيمدە حالىق ساناعى جۇرگىزىلدى. بۇل ساناق كەزىندە ونلاين تارتىپتە ينتەرنەت جەلىسىن پايدالانۋ جانە پلانشەت ارقىلى ساۋالناما جۇرگىزۋ ءادىسى ىسكە قوسىلدى»، - دەدى ن. ايداپكەلوۆ.

وسى قاناتقاقتى تارتىپتە وتكەن ساناق قورىتىندىسى بويىنشا تالداۋ ەسەبى دايىندالىپ، ق ر پرەمەر-ءمينيسترىنىڭ كەڭسەسىنە جىبەرىلدى. بۇل تۇرعىدا حالىقتىڭ سانى، نەكەلىك جاعداي، ءبىلىم مەن جۇمىسپەن قامتىلۋ دەڭگەيى، كوشى- قون بويىنشا كەستە جاسالدى.

ايتا كەتەيىك، جالپىۇلتتىق حالىق ساناعى 2020 -جىلى وتكىزىلەدى. وسى جۇمىستاردى جۇرگىزۋگە شامامەن 9 ملرد تەڭگە جۇمسالۋى ىقتيمال.

جاڭا ءادىس بويىنشا ساناق كەزىندە قاعاز جۇمىستارىنا شەكتەۋ قويىلادى. مالىمەتتەردى قاعازعا ءتۇسىرۋ تولىقتاي توقتاتىلماق، ياعني بارلىعى پلانشەتتەرمەن جۇرگىزىلەدى.

بەلگىلى بولعانداي، حالىق ساناعىنا 30 مىڭعا تارتا ينتەرۆيۋەر جۇمىلدىرىلادى.

 

سوڭعى جاڭالىقتار