پاۆلوداردا 2 نىسان «قازاقستاننىڭ كيەلى جەرلەرىنە» ەندى
«وبلىسىمىزدىڭ العاشقى بەس نىسانى كارتاعا ەنگەن كەزدە سۇلتانبەت سۇلتان مەن اق كەلىن كەشەنىنە قاتىستى جۇمىس ەندى عانا باستالعان بولاتىن. سودان بەرى «رۋحاني جاڭعىرۋ» باعدارلاماسى اياسىندا زور كولەمدەگى جۇمىس اتقارىلدى. 2018-جىلدىڭ قورىتىندىسى بويىنشا «قاسيەتتى قازاقستان» عىلىمي-زەرتتەۋ ورتالىعىنا ءوتىنىش بەردىك»، - دەيدى Margulan centre «ساكرالدى گەوگرافيا» عىلىمي-زەرتتەۋ لابوراتورياسىنىڭ مەڭگەرۋشىسى ەڭلىك ابەۋوۆا.
ناتيجەسىندە اتىراۋدا وتكەن III ولكە تانۋشىلار فورۋمىندا جوعارىدا اتالعان ەكى كيەلى ورىن رەسپۋبليكالىق كارتاعا قابىلداندى. ەڭلىك ابەۋوۆانىڭ ايتۋىنشا، جۇمىس مۇنىمەن توقتامايدى. رەسپۋبليكالىق ماڭىزى بار پاۆلودار وبلىسىنىڭ قاسيەتتى ورىندارىنىڭ ءتىزىمى كەڭەيۋى مۇمكىن.
ايتا كەتسەك، جوعارىداعى ەكى نىساننان بولەك، رەسپۋبليكالىق كارتاعا ءبىزدىڭ وبلىستان قوڭىر اۋليە ۇڭگىرى، ءماشھۇر ءجۇسىپ كوپەيەۆ كەسەنەسى، جاسىباي باتىر بەيىتى، يسابەك يشان كەشەنى مەن اۋليەكول ساۋلەت كەشەنى ەنگەن بولاتىن.