اقمولا وبلىسى 2 ميلليون توننا استىقتى شەتەلگە ەكسپورتتادى
بۇل تۋرالى وبلىستىق اۋىل شارۋاشىلىعى باسقارماسى باسشىسىنىڭ ورىنباسارى ديماش تالاسپايەۆ ايتتى، دەپ حابارلايدى قازاقپارات ءتىلشىسى.
باسقارما باسشىسى ورىنباسارىنىڭ ايتۋىنشا، وبلىستا شارۋاشىلىقتاردىڭ وزىق تەحنولوگيانى پايدالانۋى، الىمدىلىعى جوعارى شەتەلدىك تەحنيكالاردى قولدانۋى وسىلاردىڭ ءبارى ەگىن شىعىمدىلىعىن ارتتىرىپ، وراقتى نەعۇرلىم قىسقا مەرزىمدە وتكىزۋگە يگى ىقپالىن تيگىزدى. وبلىس بويىنشا 4,3 ميلليون گەكتار ەگىستىك القاپقا ءداندى جانە بۇرشاق داقىلدارى سەبىلىپ، 5,6 ميلليون توننا استىق جينالدى. وسىنىڭ ارقاسىندا وبلىستىڭ ەكسپورتتىق قۋاتى ارتىپ وتىر.
«قازىرگى كەزدە وبلىس الىس-جاقىن شەتەلدەرگە 2 ميلليون تونناعا جۋىق كولەمدە استىق ەكسپورتتاپ وتىر. ونىڭ 1907,9 مىڭ تونناسى شەتەلگە، 492,6 مىڭ تونناسى رەسپۋبليكا ىشىنە شىعارىلدى. جىل سوڭىنا دەيىن تاعى 950 مىڭ توننا استىق جونەلتۋ جوسپاردا بار»، - دەپ اتاپ ءوتتى ديماش تالاسپايەۆ.