گولوۆكين گونورارى ەڭ جوعارى بوكسشىلار رەيتينگىندە 2-ورىندا

 استانا. قازاقپارات - Forbes جۋرنالىنىڭ سايتى ەڭ كوپ اقى تولەنەتىن بوكسشىلاردىڭ P4P رەيتينگىن جاريالادى.

وعان سايكەس، قازاقستاندىق بوكسشى گەننادي گولوۆكين تىزىمدە مەكسيكالىق ساۋل الۆارەسپەن بىرگە ەكىنشى ورىندا تۇر. بۇل تۋرالى ۆكونتاكتە الەۋمەتتىك جەلىسىندە «قازاقستاننىڭ كاسىپقوي بوكسى» جازدى، دەپ حابارلايدى قازاقپارات.

رەيتينگتى بريتانيالىق اۋىر سالماق وكىلى ەنتوني دجوشۋا باستاپ تۇر.

«گولوۆكين مەن الۆارەس ءبىر- بىرىنە «بايلانىپ قالعان» جانە ولاردىڭ بۇل بايلانىسى HBO PPV- دە كورسەتىلەتىن جەكپە- جەكتىڭ جەڭىمپازى جاريالانعان كەزدە عانا اجىراۋى مۇمكىن» ، - دەپ جازادى ماتەريال اۆتورى دجوش كاتسوۆيتس.

ايتا كەتەيىك، گولوۆكين مەن الۆارەستىڭ العاشقى جەكپە- جەگىنە بيلەتتەردىڭ ساتىلىمىنان 27,08 ميلليون دوللار ءتۇستى. بۇل كاسىپقوي بوكس تاريحىنداعى ءۇشىنشى كورسەتكىش. ال HBO ارناسىنداعى ەڭ تانىمال PPV- كورسەتىلىمدەر تىزىمىندە بۇل ايقاس جەتىنشى ورىن الدى (1,3 ميلليون ۇيدە كورسەتىلدى) .

«كانەلونىڭ» دوپينگ- تەستتەن وتە الماۋى جانە سونىڭ توڭىرەگىندەگى داۋ- دامايلار ونىڭ گولوۆكينمەن رەماتچىن ءبىرىنشى كەزدەسۋگە قاراعاندا تانىمالىراق ەتۋى مۇمكىن. نە دەگەنمەن دە، قوسى بوكسشى الداعى جەكپە- جەكتەن ونداعان ميلليون دوللار پايدا تابادى (وتكەن جولى الۆارەس 50 ميلليوننان استام، گولوۆكين 20 ميلليون دوللار الدى) » ، - دەپ جازادى دجوش كاتتسوۆيتتس.

Forbes تۇجىرىمى بويىنشا ەڭ كوپ جالاقى الاتىن بوكسشىلار مىنالار:

1. ەنتوني دجوشۋا (بۇرىنعى ورىن - 1)

2. گەننادي گولوۆكين (2)

2. ساۋل الۆارەس (2)

4. تەرەنس كروۋفورد (5)

5. ۆاسيلي لوماچەنكو (4)

6. دەونتەي ۋايلدەر (7)

7. ەررول سپەنس (6)

8. الەكساندر ۋسيك (رەيتينگتەن تىس)

9. مايكي گارسيا (10)

10. دەنيەل دجەيكوبس (9)

11. مەنني پاكياو (13)

12. دجەرمەلل چارلو (11)

13. دجەرمالل چارلو (12)

14. دەنني گارسيا (رەيتينگتەن تىس)

15. شون پورتەر (رەيتينگتەن تىس) .