استانا مەن 2 وبلىستا اۋا رايى بۇزىلادى
9 -تامىز كۇنى اتىراۋ وبلىسىنىڭ كەي اۋماقتارىندا كۇن كۇركىرەپ، جەلدىڭ جىلدامدىعى سەكۋندىنا 15-20 مەترگە دەيىن جەتەدى.
9 -تامىزدا اتىراۋ قالاسىندا دا كۇن كۇركىرەۋى مۇمكىن.
داۋىل سوعۋ قاۋپى - 80-85 پايىز.
9 -تامىز كۇنى ماڭعىستاۋ وبلىسىندا كۇندىز كەي جەرلەردە كۇن كۇركىرەپ، جەلدىڭ جىلدامدىعى 15-20 م/س- قا دەيىن جەتەدى. داۋىل سوعۋ قاۋپى -%90-95.
ەلوردادا تامىزدىڭ 10 -كۇنى كۇندىز جانە 11 -كۇنى تاۋلىك بويى نايزاعاي، داۋىل سوعىپ، بۇرشاق جاۋۋى مۇمكىن، سولتۇستىك- باتىستان سوققان جەلدىڭ جىلدامدىعى 15-20 م/س- قا دەيىن جەتەدى.
استانا قالالىق توتەنشە جاعدايلار دەپارتامەنتى قالا تۇرعىندارىن نايزاعاي مەن بۇرشاق جاۋعاندا قاۋىپسىزدىك شارالارىن قاراستىرۋىن سۇرايدى.
«قاتتى جەل، نايزاعاي مەن بۇرشاق جاۋعاندا:
- مۇمكىندىگىنشە اۋا- رايىنىڭ قولايسىزدىعىن ىرگەلى قۇرىلىس نىساندارىندا توسا تۇرعان ءجون؛
- كوشەدە باعانداردان، اعاشتاردان، جارنامالاردان، سىمداردان الىس جۇرۋگە تىرىسىڭىز؛
- پاتەر مەن ۇيلەردە بارلىق تەرەزەلەردى نىق جابىڭىزدىر؛
- جەكە اۆتوكولىگىڭىزدى اعاشتار مەن ەسكى قۇرىلىستاردان الىس قويىڭىز؛ نايزاعاي مەن قاتتى نوسەر جولدىڭ كورۋىنە كەدەرگى بولىپ، نايزاعاي جۇرگىزۋشىگە اسەر ەتىپ جول- كولىك وقيعاسىنا اكەپ سوقتىرۋى مۇمكىن.
- نايزاعاي كەزىندە سۋ قويمالارىندا سۋعا شومىلۋعا جانە بالىق اۋلاۋعا بولمايدى؛
- ورىن جايلاردا تەرەزەدەن الشاق بولىپ، ەلەكتروقۇرالداردى قولدانباۋعا تىرىسىڭىز، بۇرشاق سوڭى نايزاعاي بولۋى مۇمكىن.
- قۇرىلىس وبەكتىلەرى قولايسىز اۋا رايى جاعدايى اسەرىنەن اۋماقتاردى جانە تۇرعىنداردى قورعاۋ، قۇرىلىس الاڭدارىندا مۇمكىندىكشە قۇرىلىس- مونتاج جۇمىستارىنا شەكتەۋ بويىنشا قوسىمشا شارالاردى قابىلداۋ قاجەت.
توتەنشە جاعداي تۋىنداعان جاعدايدا «112» نومىرىنە قوڭىراۋ شالىڭىز»، - دەلىنگەن حابارلامادا.
