الماتىدا جاستاردى باسپانامەن قامتۋعا 2 ميلليارد تەڭگە بولىنەدى

None
None
الماتى. قازاقپارات - بۇگىن الماتى اكىمى حالىقپەن ەسەپتى كەزدەسۋى بارىسىندا قالا جاستارىنىڭ بولاشاعىنا قاتىستى ماسەلەلەردى قوزعادى، دەپ حابارلايدى قازاقپارات ءتىلشىسى.

باۋىرجان بايبەك ەلباسىنىڭ تاپسىرماسىنا سايكەس قالا جاستارىن قولداۋ باعىتىندا 2020 -جىلعا دەيىنگى جول كارتاسى قابىلدانعانىن ايتتى. بىلتىردىڭ وزىندە وسى باعىتتا 4 ميلليارد تەڭگە جۇمسالدى.

«قازىر الماتى تۇرعىندارىنىڭ شامامەن جارتىسى - جاستار. ولاردىڭ ورتا جاسى 33,5 جاس. 200 مىڭ جۋىق ستۋدەنت ءبىلىم الادى. بۇنىڭ ارتىقشىلىعىمەن قاتار قيىنشىلىقتارى دا بار. رەسپۋبليكا بويىنشا جاستار جۇمىسسىزدىعىنىڭ ەڭ جوعارعى كورسەتكىشى - 6,5 پايىز. بۇل كورسەتكىش الماتىعا تيەسىلى. «الماتى جاستارىن قولداۋ - 2020» جول كارتاسى قابىلداندى. بىلتىر 4 ميلليارد تەڭگە ءبولىندى. «الماتى جاستارى» باعدارلاماسى اياسىندا الدىن الا ءۇي قۇنىنىڭ 5 پايىزىن عانا تولەپ، نەسيە الۋ مۇمكىندىگىنە يە بولدى. 6 مىڭ ادام ءوتىنىش ءبىلدىردى. بالدىق جۇيەمەن 100 ءوتىنىش قابىلداندى. سۇرانىستىڭ كوپتىگىنە بايلانىستى بيىل دا بۇل باعدارلاما ءوز جالعاسىن تابادى. بىلتىر 1 ميلليارد تەڭگە بولىنسە، بيىل 2 ميلليارد تەڭگە قاراستىرىلعان»، - دەدى باۋىرجان بايبەك.

سوڭعى جاڭالىقتار