تاجىكستاندا 2 مىڭعا جۋىق مەشىت جابىلدى
بۇل تۋرالى ءدىن ىستەرى بويىنشا كوميتەتتىڭ وكىلى حۋسەين شوكيروۆ ايتتى، دەپ حابارلايدى Baq.kz اقپارات اگەنتتىگى ASIA Plus سايتىنا سىلتەمە جاساپ.
ونىڭ ايتۋىنشا، كەي مەشىتتىڭ جەرگە بايلانىستى قۇجاتى جوق، ال ەكىنشىلەرى ءدىني ۇيىم رەتىندە تىركەلمەگەن.
«ادامدار مەشىت سالۋ ءۇشىن وزدەرىنىڭ جەرلەرىن پايدالانعان، ءبىراق قۇجاتتاردى رەتكە كەلتىرمەگەن. ادام، الدىمەن، جەردىڭ قۇجاتتارىن رەتتەپ، كەيىن عانا ونى قۇلشىلىق ەتەتىن جەرگە اينالدىرۋى ءتيىس. تۇرعىندار بۇل عيماراتتاردى مەشىت رەتىندە قابىلداعانىمەن، ولاردىڭ ەشقايسىنىڭ قۇجاتى دۇرىس ەمەس. سول سەبەپتى، زاڭ بويىنشا بۇل عيماراتتار مەشىت قاتارىنا كىرمەيدى. ءبىز قۇجاتتاردى رەتتەۋگە ۋاقىت بەردىك. الايدا يەلەرى بۇل ۋاقىتتى ءتيىمدى پايدالانباعاندىقتان، ولاردىڭ ورنىنا مەملەكەتتىك مەكەمەلەر قۇرىلىپ جاتىر» ، - دەيدى شوكيروۆ.
ءدال قازىر 231 مەشىتكە بەلگىلى ءبىر مەرزىم ىشىندە قۇجاتتاردى رەتتەۋگە رۇقسات بەرىلگەن.
