بارلىعىن وزگەرتەتىن 2 مينۋت
ءبىراق ول كىتاپتاردى وقۋ ءۇشىن قانشاما ۋاقىت قاجەت. ال بۇل ماتەريالدا سىزدەرگە ەكى مينۋت ىشىندە ءبىراز نارسە وزگەرتۋگە بولاتىنىن ايتامىز.
- مەنىڭ ۋاقىتىم ەشتەڭەگە جەتپەيدى.
- دەمەك، شارۋالارىڭىز دۇرىس جوسپارلانباعان.
- كوپ نارسەگە ۇلگەرۋگە بولار ەدى عوي.
- كوپ ىستەڭىز، «جوق» دەگەندى از ايتىڭىز.
- ورىنداۋعا ءتيىسپىن.
- ۇسىنىس كوڭىلىڭىزدەن شىقپاسا، «جوق» دەپ ايتۋعا قينالماڭىز.
- ءبىراق ول مەن «جوق» دەسەم رەنجىپ قالادى عوي.
- ونىڭ سىزگە قاتىسى جوق. ءوز ەركىڭىزگە قارسى شىقپاڭىز.
- قازىر بۇل ءىستىڭ ۋاقىتى ەمەس.
- قولايلى ۋاقىت كەلمەيدى دە. كۇتىپ جۇرە بەرسەڭىز، ۋاقىت وتە بەرەدى. سودان سوڭ ۋاقىتىسىندا باستاماعانىڭىز ءۇشىن ءوزىڭىزدى جازعىراسىز. ويعا العان ىسكە قازىر كىرىسىڭىز.
- مەن باقىتسىزبىن.
- ومىرىڭىزدە ءبىر نارسەنى وزگەرتىڭىز. نە ءوزىڭىزدى وزگەرتىڭىز.
- نە وزگەرتەمىن؟
- كەز كەلگەن نارسەنى. بىرەۋىن تاڭداڭىز دا، جۇزەگە اسىرىڭىز.
- باسىم اينالدى.
- تەرەڭ تىنىس الىڭىز. ءوزىڭىز باسقارا الاتىن ءىستى وزگەرتۋدەن باستاڭىز.
- مۇمكىن، اقشام كوپ بولسا باقىتتى بولار ما ەدىم؟
- ءيا، ءبىراق بەلگىلى ءبىر دەڭگەيدە عانا.. .
- ءبىراق اقشادان دا ماڭىزدى نارسەلەر بار عوي؟
- جاقىندارىمىزبەن وتكىزگەن ۋاقىت. وزىمىزگە ماڭىزدى نارسەگە ارناعان ۋاقىت. وتكەن ۋاقىتتى قايتارا المايتىنىمىزدى ەستەن ەش شىعارماڭىز.
- ءبىر كورگەننەن باۋراپ الۋعا بولا ما؟
- كوزىنە تىك قاراڭىز. كۇلىمسىرەڭىز. اسىقپاي سويلەڭىز. وزىڭىزگە سەنىمدى بولىپ، كيىمىڭىزگە مۇقيات قاراڭىز.
- قارىم- قاتىناسىمىز قيىنداپ كەتتى.
- اشىلىپ سويلەسىڭىز. جاعىمسىز قىلىعىنا ءتوزىڭىز. ءوزىڭىز توزە المايتىن جاعداي بولسا، اراقاتىناستى ءۇزىڭىز.
- ودان جاقسى ادامدى كەزىكتىرە الماسام شە؟
- ال ەگەر ودان ون، ءجۇز، مىڭ ەسە جاقسىنى كەزدەستىرسەڭىز شە؟
- ول مەنى تاستاپ كەتتى. جۇرەگىم جارالى.
- ءبىراق جۇرەگىڭىز ءالى دە سوعاپ تۇر عوي. دەمەك، ەشتەڭە جوعالتقان جوقسىز، ول سىزگە لايىقسىز.
- ءومىر نەتكەن قيىن!
- بۇل بەلگىلى. بارلىعى قاراپايىم بولسا، بۇكىل جان بالاسى باقىتتى بولار ەدى.
- ءبىراق مەن توزە المايمىن.
- مۇنداي ويمەن ءوزىڭىزدى جەۋدى توقتاتىڭىز.
- ماعان مۇنىڭ ەشقايسىسى دا كومەكتەسپەيدى.
- جارايدى! قازىر قالاي بولسا، سولاي ءومىر ءسۇرۋدى جالعاستىرا بەرىڭىز.
- ءبىراق مەن قازىرگى ومىرىمە ريزا ەمەسپىن عوي.
- ۇنەمى ءبىر جاعداي قايتالانا بەرسە، ناتيجە دە سول قالپى قالادى. ءبىز نە وسەمىز دە وزگەرەمىز، نە ولەمىز.
- وزگەرۋدى قاشان باستايمىن؟
- ءدال قازىر!
Massaget.kz
