قايتا اشىلعان ەكسپو: كەلۋشىلەر 2 كۇن تەگىن كىرەدى
اتاپ ايتقاندا، «نۇر الەم»، ارت- ورتالىق، ۇزدىك تاجىريبەلەر ايماعى جانە تاقىرىپتىق پاۆيلون سىندى ەكسپونىڭ ءتورت نىسانى تۋريستىك ورىن رەتىندە قايتا اشىلماق.
قايتا اشىلۋ قۇرمەتىنە وراي، استانا تۇرعىندارى مەن قالا قوناقتارى 11-12 -قاراشا كۇندەرى ەكسپو-2017 كورمەسىنەن قالعان تۋريستىك نىسانداردى تەگىن ارالاي الادى.
«ەكسپونىڭ بۇرىنعى اۋماعىنا كىرۋ تەگىن. ال جەكەلەگەن پاۆيلوندار مەن «نۇر الەمگە» كىرۋ ءۇشىن بيلەت ساتىپ الۋ قاجەت. العاشقى ەكى كۇنى تۋريستىك ايماققا تەگىن كىرۋگە بولادى. ودان كەيىنگى كىرۋ قۇنى 1500 تەڭگە بولادى. مۇندا جەڭىلدىك بيلەتتەرى دە قاراستىرىلعان: ستۋدەنتتەر 800 تەڭگەگە، كوپ بالالى انالار مەن زەينەتكەرلەر - 500 تەڭگەگە جانە مۇگەدەكتەر مەن ۇ و س ارداگەرلەرى، التى جاسقا دەيىنگى بالالار مەن جەتىم بالالار تەگىن كىرە الادى. بيلەتتەردى رەسمي سايتتان جانە ارنايى ساتۋ ورىندارىنان الۋعا بولادى، - دەدى «استانا ەكسپو-2017» ۇ ك كونتەنت جانە ءىس- شارالار ۇيىمداستىرۋ دەپارتامەنتىنىڭ ديرەكتورى مارات وماروۆ ەكسپو-دا وتكەن باسپا ءسوز ءماسليحاتىندا.
ايتا كەتەيىك، قازاقستان پرەزيدەنتى نۇرسۇلتان نازاربايەۆ «EXPO 2017» حالىقارالىق مامانداندىرىلعان كورمەسىنىڭ جابىلۋ سالتاناتىندا «نۇر الەم» عيماراتى مەن تاقىرىپتىق پاۆيلونداردىڭ ەنەرگيا مۋزەيى رەتىندە ءوز جۇمىسىن جالعاستىراتىنىن مالىمدەگەن ەدى.
كورمەگە دەيىن «EXPO 2017» اۋماعىنداعى عيماراتتاردىڭ ءبىر بولىگىن «استانا» حالىقارالىق قارجى ورتالىعىنا، حالىقارالىق «جاسىل» تەحنولوگيالاردى دامۋ ورتالىعىنا جانە حالىقارالىق IT- ستارتاپتار تەحنوپاركىنە بەرىلۋى تۋرالى شەشىم قابىلدانعان بولاتىن.
