يۋتۋبتا «قالقانقۇلاق» تەلەحيكاياسىن 2 ميلليون ادام تاماشالادى
بۇل تۋرالى بۇگىن ق ر اقپارات جانە كوممۋنيكاتسيالار مينيسترلىگى جانىنداعى قوعامدىق كەڭەس وتىرىسىندا «Qazaqstan» تەلەراديوكورپوراتسياسى باسقارماسىنىڭ ءتوراعاسى ەرلان قارين ءمالىم ەتتى، دەپ حابارلايدى قازاقپارات.
وتىرىس بارىسىندا ەرلان قارين اقپارات تاراتۋ بويىنشا تەلەۆيزيانىڭ جانە راديونىڭ دومينانتتى بولعانىنا قاراماستان، ينتەرنەت اقپارات الۋ، ىزدەۋ جانە كوڭىل كوتەرۋ بويىنشا ءوز ورنىن جاۋلاپ الىپ وتىرعاندىعىن اتاپ ءوتتى.
«ءبىزدىڭ ب ا ق قۇرالدارى ينتەرنەتتى ءوز باعدارلامالارىن جارنامالاۋ ءۇشىن جانە تانىمالدىلىعىن ارتتىرۋ ءۇشىن وتە ءجيى قولدانا باستادى. ءبىز ينتەرنەت سايتىمىزدى جانە ينتەرنەت پاراقشالارىمىزدى كۇننەن كۇنگە جەتىلدىرۋگە تىرىسامىز جانە ەڭ باستىسى ونىڭ كەرى بايلانىس فۋنكتسياسىن قولدانامىز. ول ءوز كەزەگىندە اۋديتوريانىڭ شىنايى پىكىرىن بىلۋگە كومەكتەسەدى. وسىلايشا ينتەرنەت ءبىزدىڭ ءومىرىمىزدىڭ بارلىق سالاسىنا ەنىپ كەتكەندىگىن، ب ا ق- تىڭ ونلاين-رەسۋرستارىن قازاق ءتىلى باسىم بولاتىن تولىققاندى مەدياكتيۆتەرگە اينالدىرۋ كەرەكتىگىن ەسكەرۋ قاجەت»، - دەدى ول.
كورپوراتسيا باسشىسىنىڭ پايىمىنشا، قازىرگى كەزدە ىستەپ تۇرعان سايتتاردى پروگرەسسيۆتى قولدانۋشىلار مەن جارناما بەرۋشىلەر ءۇشىن قىزىقتى ونلاين-رەسۋرستارعا اينالدىرۋ، تەليەۆيزيالىق اقپارات لەگى مەن راديولاردىڭ ونلاين سايتتاردىڭ اقپاراتىن سينحرونداۋ جانە ءتىل تۋرالى ءبىرىڭعاي كونتەنتتىك ساياساتتى قولدانۋ ارقىلى تولىققاندى مەدياكتيۆتەرگە قول جەتكىزۋگە بولادى.
«دامۋدىڭ وسى جولىنىڭ پەرسپەكتيۆالى ەكەندىگى جايىندا كەلەسى مىسالدى كەلتىرۋگە بولادى. جاڭا ماۋسىم اياسىندا «Balapan» تەلەارناسىندا ەفيرگە شىققان «قالقانقۇلاق» بالالار جوباسى - 17- قىركۇيەكتەن باستاپ يۋتۋب پلاتفورماسىنا قۇيىلعان بولاتىن. سول كۇننەن باستاپ «قالقانقۇلاق» بالالار تەلەحيكاياسىن 2 ميلليون ادام كورگەن ەكەن»، - دەدى ول.
اۆتور: مارلان جيەمباي
