15:30, 21 - تامىز 2017 | GMT +6
استانا اۋەجايىندا 2 ميلليون دوللاردىڭ كونتراباندالىق زەرگەرلىك بۇيىمدارى انىقتالدى - كەسكىن
استانا. قازاقپارات - استانا اۋەجايىندا قۇنى 2 ميلليون دوللار بولاتىن زەرگەرلىك بۇيىمدار كونترابانداسىنىڭ جولى كەسىلدى، دەپ حابارلادى «قازاقپارات» ح ا ا ق ر ۇ ق ك شەكارا قىزمەتىنە سىلتەمە جاساپ.
«شۇعىل اقپارات بويىنشا «نۇرسۇلتان نازاربايەۆ» حالىقارالىق اۋەجايىندا ىستانبۇل-استانا قاتىناسى حالىقارالىق رەيسىنە قاتىستى تەكسەرۋ جۇرگىزۋ كەزىندە شەكارا قىزمەتىنىڭ اسكەري قىزمەتشىلەرى ق ر ۇ ق ك قىزمەتكەرلەرىمەن بىرگە، 1980-جىلى تۋعان ازەربايجان ازاماتىنىڭ اتىنا جىبەرىلگەن جۇك بيركالارى بار، سالماعى 48 كەلى بولاتىن ەكى سومكەنى قازاقستان رەسپۋبليكاسى اۋماعىنا اكەلۋ ارەكەتىنىڭ جولىن كەستى»، - دەپ حابارلادى ۆەدومستۆونىڭ باسپا ءسوز قىزمەتىنەن.
تەكسەرۋ بارىسىندا سارى جانە سۇر ءتۇستى قىمبات مەتالدان (32 كەلى سارى ءتۇستى مەتال، 16 كەلى سۇر ءتۇستى مەتال) جاسالعان 11786 زەرگەرلىك بۇيىم تاركىلەندى. كونتراباندانىڭ بولجامدى قۇنى 2 ميلليون ا ق ش دوللارىنا باعالانۋدا. قىلمىستىق ءىس قوزعالىپ، تەرگەۋ شارالارى ءجۇرىپ جاتىر.