يەمەندە تىرىسقاقتان 2 مىڭعا جۋىق ادام مەرت بولدى
استانا. قازاقپارات - يەمەندە تىرىسقاقتان قايتىس بولعان ازاماتتار سانى 1992 گە جەتتى، دەپ حابارلايدى انادولۋ.
دۇنيەجۇزىلىك دەنساۋلىق ساقتاۋ ۇيىمىنىڭ (د د س ۇ) مالىمەتتەرى بويىنشا، ەپيدەميا باستالعالى، ياعني 27- ساۋىردەن بەرى ەلدە تىرىسقاققا شالدىعۋدىڭ 419804 كە جۋىق جاعدايى تىركەلدى.
ىندەت ەلدە 1992 ادامنىڭ ءومىرىن جالمادى. ادامداردىڭ ناۋقاستان قايتىس بولۋ جاعدايلارى اسىرەسە حاددجا پروۆينتسياسى مەن حودەيدا، يبب جانە تايز قالالارىندا كوپ تىركەلدى.
كەشەدەن بەرى تاعى ءۇش ادام اۋرۋدان كوز جۇمدى. وسىعان دەيىن تىرىسقاقتان 405706 مىڭ ادام ەمدەلىپ، امان قالعان.
ەكى جىل بويىنا ەلدە جۇرگەن قارۋلى قاقتىعىستاردىڭ سالدارىنان مەملەكەتتىڭ ينفراقۇرىلىمى بۇزىلىپ، تىرىسقاق اۋرۋىنىڭ تاراۋىنا بارلىق العىشارتتار قالىپتاستى.
ءۇش ميلليونعا جۋىق ادام ءۇي-جايىن تاستاپ كەتۋگە ءماجبۇر. ەلدە تازا سۋعا دەگەن زارۋلىك پەن قوقىستاردىڭ كوپ جينالۋى ادامداردىڭ ومىرىنە قاۋىپ ءتوندىرىپ وتىر. ولار كەز كەلگەن ۋاقىتتا اۋرۋ جۇقتىرۋى مۇمكىن.
