15:41, 05 - ماۋسىم 2017 | GMT +6
دزيۋدو: جاستارىمىز ەۋروپا كۋبوگىندا 2 التىن جەڭىپ الدى
استانا. قازاقپارات - قازاقستان جاستار قۇراماسى اۆستريانىڭ لەيبنيتس قالاسىندا وتكەن دزيۋدودان ەۋروپا كۋبوگىندا 2 التىن، 1 كۇمىس جانە 2 قولا مەدالعا يە بولدى، دەپ حابارلايدى قازاقپارات ءتىلشىسى.
حالىقارالىق دوداعا ەل نامىسىن قورعاۋعا 30 دزيۋدوشىمىز اتتانعان بولاتىن. ناتيجەسىندە 2 التىن، 1 كۇمىس جانە 2 قولا مەدالعا يە بولىپ، كوماندالىق ەسەپتە مەدال سانى بويىنشا جارىستى Ⅲ ورىنمەن اياقتادى.
بۇل سىندا 4 التىن، 1 قولا يەلەنگەن جاپونيا جاستارى كوش باستاسا، ەكىنشى ورىنعا 2 التىن، 2 كۇمىس، 4 قولا مەدالمەن ەنشىلەگەن رەسەي سپورتىلارى يە بولدى.
العاشقى التىن مەدالعا 60 كەلى سالماقتا نۇرسۇلتان سەرالى قول جەتكىزسە، ەكىنشى التىندى 66 كەلى سالماقتا سىنعا تۇسكەن سۇنعات جۇباتحان قانجىعاسىنا بايلادى.
ال جالعىز كۇمىستى 60 كەلىدە ونەر كورسەتكەن جاسۇلان وتاربەك جەڭىپ السا، قوس قولاعا جاستارىمىزدان 55 كەلىدە سىنعا تۇسكەن باۋىرجان ناربايەۆ پەن 73 كەلىدە ونەر كورسەتكەن بارىس قۋان يە بولدى.
اۆتور: كۇنسۇلتان وتارباي