الماتى مەن استانادا 2 ميلليارد تەڭگەگە قانداي پاتەر ساتىپ الۋعا بولادى - فوتو
ءال-فارابي داڭعىلى 32 مەكەنجايى بويىنشا ءتورت بولمەلى پاتەردىڭ قۇنى - 2028000000 تەڭگە. پاتەردىڭ اۋدانى - 262 شارشى مەتر. ول Esentai Apartments تۇرعىن ءۇي كەشەنىنىڭ 22 قاباتىندا ورنالاسقان.
«پاتەردەن قالانىڭ تاۋلى كورىنىستەرىن تاماشالاۋعا بولادى. ەكسليۋزيۆتى جيھاز، پرەميۋم ساناتتاعى تۇرمىستىق تەحنيكا، كونديتسيونەرمەن جابدىقتالعان»، - دەيدى پاتەردى ساتۋشىلار.
Esentai Apartments كەشەنىندە 1716000000 تەڭگەلىك پەنتحاۋس تا ساتىلىپ جاتىر. ول 23-24- قاباتتاردى قاتار الادى.
Krisha.kz سايتى استانادا 20 بولمەلى پاتەردىڭ 2000000000 تەڭگەگە ساتىلىپ جاتقانىن حابارلادى.
«پاريجسكي كۆارتال» تۇرعىن ءۇي كەشەنىندەگى كىرپىشتەن قالانعان 2015-جىلعى ءۇي 1000 شارشى مەتردى الادى. تولىقتاي جيھازبەن قامتىلعان.
قازاقستاننىڭ بىرلەسكەن ريەلتورلار قاۋىمداستىعى پرەزيدەنتى ەلەنا گريۆا قازاقستانداعى ەليتالى پاتەرلەردىڭ ساتىلىمى جايلى پىكىر ءبىلدىردى.
«پاتەر قۇنى 2 ميلليارد تەڭگەدەن جوعارى بولسا، ولاردى ساتىپ الۋشىلار سايتقا كىرىپ جاتپايدى. ريەلتورلار ونداي پاتەردى الا الاتىن ادامداردى جاقسى بىلەتىندىكتەن، وزدەرى ولارعا ۇسىنىسپەن شىعادى»، - دەيدى ەلەنا گريۆا.
VIP - پاتەرلەردى ساتىپ الۋشىلار - قازاقستان ازاماتتارى.
وتكەن جىلى ەڭ قىمبات پاتەر قۇنى 5 ميلليارد تەڭگەدەن اسقان. بۇگىندە مۇنداي باعا مۇلدە جوق.
«ەليتالىق ۇيلەردى ساتىپ الۋشىلار اراسىندا ۇلتتىق ۆاليۋتاعا سەنىم بىلدىرەتىندەر قاتارى كوبەيگەن. كوپتەگەن ازاماتتارمەن تىلدەسە كەلە، ولاردىڭ پاتريوتتىق كوزقاراسىن بايقاپ قالدىم»، - دەيدى باس ريەلتور.
سالىستىراتىن بولساق، 2 ميلليارد تەڭگەگە 15 ميلليون تەڭگەلىك 133 ءۇش بولمەلى پاتەر ساتىپ الۋعا بولادى.
