الماتىدا شىركەۋدەگىلەردى شوشىتقان «لاڭكەس» 2 جىلعا سوتتالدى

الماتى. قازاقپارات - الماتىدا نيكولسك شىركەۋىندە جارىلىس جاسالاتىنى تۋرالى جالعان حابار بەرگەن «لاڭكەس» ەكى جىلعا باس بوستاندىعىنان ايىرىلدى، دەپ حابارلايدى قازاقپارات ءتىلشىسى المالى اۋداندىق سوتىنىڭ باسپا ءسوز قىزمەتىنە سىلتەمە جاساي وتىرىپ.

«ايىپتالۋشى ج. ق ر ق ك 273-بابىندا كورسەتىلگەن (تەررورلىق اكتىسى تۋرالى جالعان اقپارات تاراتۋ) قىلمىستى جاساعانى ءۇشىن كىنالى دەپ تانىلىپ، 2 جىل جالپى رەجىمدەگى تۇزەۋ كولونيادا جازاسىن وتەيتىن بولدى. ۇكىم زاڭدى كۇشىنە ەنگەن جوق»، - دەدى سوت زالىنان.

ءىس بارىسىندا انىقتالعانداي، سوتتالۋشى 2016 -جىلدىڭ 11 -قىركۇيەگىندە ساعات 07.13-تە الماتى قالاسىنىڭ ماۋلەنوۆ- گوگول كوشەلەرى قيىلىسىندا تۇرىپ، جالعان اقپارات تاراتۋ تۋرالى ويلاعان.

وسىدان كەيىن ول تاكسوفوننان ءى ءى د- نىڭ 102 نومىرىنە حابارلاسىپ، 11 -قىركۇيەك كۇنى الماتىداعى نيكولسك شىركەۋىندە ساعات 10.00-دە جارىلىس بولاتىنى، وعان استىرتىن دايىندىق جۇرگىزىلىپ جاتقانى تۋرالى جالعان اقپارات بەرگەن.

ايىپتالۋشى سوتتا ءوز كىناسىن تولىعىمەن مويىندادى.

اۆتور: الماس مۇقاش ۇلى