عالىمدار جەردە 2 ميلليارد جىلدان بەرى وزگەرمەگەن سۋدى تاپتى
ءۇش جىل بۇرىن وسى جەردەن 2,4 شاقىرىم تەرەڭنەن وقشاۋ قالعان سۋ قويماسىن تاپتى، ونىڭ جاسى 1,5 ميلليارد جىل ەكەندىگى بەلگىلى بورلدى. قازىر عالىمدار بۇدان تەرەڭىرەكتە ۇزاق ۋاقىت ساقتالعان سۋدىڭ بار ەكەندىگىن انىقتادى.
سوڭعى جولى 3 شاقىرىم تەرەڭدە تابىلعان كونە قويماداعى سۋ 2 ميلليارد جىل ساقتالىپ كەلگەن، دەپ جازادى Science Alert.
سۋدىڭ قۇرامىنداعى گازدارعا سىناما جاسالىپ (گەلي، نەون، ارگون، كسەنون) عالىمدار ونىڭ جاسى 2 ميلليارد جىلعا تەڭ دەگەن تۇجىرىم جاسادى. بۇل سۋ تۇيىق كۇيىندە ساقتالعان. ازىرگە ونىڭ قۇرامىنان ءتىرى اعزالار تابىلمادى.
الايدا وندا ميللياردتاعان جىل بۇرىنعى ميكروبتاردىڭ ءومىر ءسۇرۋى جوققا شىعارىلمايدى. بۇل جەردە زەرتتەلمەگەن تىرشىلىك اۋماعى بار ەكەندىگىن عانا كورسەتىپ قويماي، باسقا پلانەتالاردا دا وسىنداي تۇستاردىڭ تابىلاتىنىن كورسەتەدى.
