قازاقستان جولاۋشىلاردىڭ اۋە تاسىمالى بويىنشا ت م د- دا 2- ورىنعا كوتەرىلدى
بۇل تۋرالى ۇكىمەت وتىرىسىندا ق ر ينۆەستيتسيالار جانە دامۋ ءمينيسترى جەڭىس قاسىمبەك ءمالىم ەتتى، دەپ حابارلايدى قازاقپارات.
«سوڭعى 5 جىلدا ازاماتتىق اۆياتسيا سالاسىندا نەگىزگى كورسەتكىشتەردىڭ تۇراقتى ءوسىمى بايقالادى. تاسىمالدانعان جولاۋشىلار سانى 44 پايىزعا ارتىپ، 4,1 دەن 5,9 ميلليون ادامعا جەتتى. سوڭعى جىلدارى قىزمەت كورسەتىلگەن جولاۋشىلاردىڭ ورتاشا جىلدىق ءوسىم قارقىنى 9 پايىزدى قۇراپ وتىر»، - دەدى ول.
قاسىمبەكتىڭ دەرەكتەرىنە سايكەس، قازاقستان ۇشاقپەن جولاۋشىلار تاسىمالداۋدا ت م د ەلدەرى ىشىندە 2- ورىنعا كوتەرىلگەن. بۇل رەتتە وتكەن جىلى استانا اۋەجايى جولاۋشىلارعا قىزمەت كورسەتۋدە 10-شى، ال الماتى 6- ورىنعا كىرىپ، ت م د- نىڭ ءىرى 10 اۋەجايىنىڭ لەگىنە قوسىلعان. بۇگىندە ەلىمىزدىڭ 18 اۋەجايىنىڭ 10 ىندا جولاۋشىلار تەرمينالىن، ال 14 ىندە ۇشۋ-قونۋ جولاعىن جاڭعىرتۋ جۇرگىزىلگەن. وسى جىلدىڭ سوڭىنا دەيىن پەتروپاۆل قالاسىنىڭ اۋەجاي تەرمينالى مەن ۇشۋ-قونۋ جولاعى، 2020-جىلعا دەيىن سەمەي، قوستاناي، وسكەمەن اۋەجايلارىنىڭ ۇشۋ-قونۋ جولاعى جاڭعىرتىلاتىن بولادى.
«مەملەكەت ۇشۋ-قونۋ جولاعىن جاڭعىرتۋ بويىنشا وزىنە العان مىندەتتەمەلەرىن تولىق كولەمدە ورىنداۋدا. ەندى اۋەجايلاردىڭ مەنشىك يەلەرى تەرمينالداردىڭ جاڭعىرتىلۋىن قامتاماسىز ەتۋى قاجەت»، - دەدى مينيستر.
