قازاقستاندا اكەلەر بالالارىنا 2 ميلليارد تەڭگە قارىز
بۇل تۋرالى بۇگىن ق ر باس پروكۋرورى جاقىپ اسانوۆ ءمالىم ەتتى.
ۇيلەستىرۋ كەڭەسىنىڭ وتىرىسىندا ءسوز سويلەگەن باس پروكۋرور اليمەنتتەردى ءوندىرىپ الۋ ۇلكەن پروبلەماعا اينالعاندىعىن اتاپ ءوتتى.
«ەلىمىزدە 5 ميليوننان استام بالا بار. بۇل حالىقتىڭ ۇشتەن ءبىر بولىگى. بالالار ۇيىندە 32 مىڭ جەتىم بالا تىركەلگەن، ولاردىڭ %70 نىڭ اتا- انالارى بار. 350 مىڭنان استام بالا اليمەنتكە مۇقتاج. بۇگىنگى كۇنى اليمەنتتەر بويىنشا قارىز 1,8 ميلليارد تەڭگەنى قۇرىپ وتىر. ساراڭ اكەلەر، اليمەنتتەر تولەگىسى كەلمەگەندىكتەن، ءوز بالالارىنان جاسىرىنادى. تابىستارىن تومەندەتىپ كورسەتەدى»، - دەدى ج. اسانوۆ.
ال باس پروكۋروردىڭ ءبىرىنشى ورىنباسارى يوگان مەركەلدىڭ ايتۋىنشا، اليمەنت تولەمەۋشىلەردىڭ باسىم بولىگى - بۇل تابىسى بار جانە سانالى تۇردە تولەۋدەن قاشقاقتايتىن ادامدار كورىنەدى.
«جاعدايدىڭ سەبەپتەرى جالپىعا بەلگىلى. تولەمەۋشىلەر اراسىندا، الەۋمەتكە جات ءومىر سالتىن ۇستاناتىن ادامدار - ماسكۇنەمدەر، ناشاقورلار، تۇراقتى مەكەن جايلارى جوق ازاماتتار. بورىشكەرلەردىڭ باسىم دەنى، اسىرەسە اۋىلدىق جەرلەردەگى بورىشكەرلەر - جۇمىسسىزدار» - دەپ اتاپ ءوتتى. - دەگەنمەن، كوپشىلىگى - تابىستارى بار ادامدار. ولار سانالى تۇردە اليمەنت تولەۋدەن جالتارىپ، ەڭبەك قۇجاتتارىن رەسىمدەمەي، جالاقىنى «جاسىرىن تۇردە» قولما-قول الىپ، تابىستارىن تومەندەتىپ كورسەتەدى. كەيبىرەۋلەرى بارىنشا اليمەنت تولەمەۋگە تىرىسادى. ءتىپتى ءوز بالاسى مەن ايەلىنىڭ ومىرىنە دە قاۋىپ توندىرۋدەن تارتىنبايدى. ورال قالاسىنداعى 70 جاستاعى كاسىپكەر اليمەنت تولەگىسى كەلمەي، ءوزىنىڭ 8 جاسار قىزى مەن بۇرىنعى ازاماتتىق نەكەدەگى ايەلىن ءولتىرۋ ءۇشىن كيللەرگە 5 مىڭ دوللار تولەگەن. پوليتسيا قىلمىستىڭ الدىن الدى، اشكوز اكە مەن ونىڭ سىبايلاسى 15 جىلعا سوتتالدى».
اۆتور: جاسۇلان جولدىبايەۆ
