استانادا «اقىلدىڭ كىلتى. ءومىر داستان-2» تەلە ەپوپەياسىنىڭ تۇساۋكەسەرى ءوتتى

استانا. قازاقپارات -  «حابار» تەلەارناسىنىڭ ءتول ءونىمى «اقىلدىڭ كىلتى. ءومىرداستان» تاريحي تەلەەپوپەياسى ءوز جالعاسىن تاپتى. ەكىنشى ماۋسىمنىڭ پرەمەراسى استانا مەن الماتى قالالارىندا ءوتتى.

ابايدىڭ قارا سوزدەرىنە نەگىزدەلگەن ەڭبەك ەل تاۋەلسىزدىگىنىڭ 25 جىلدىعىنا ارنالىپ وتىر.   «اقىلدىڭ كىلتى. ءومىر داستان» تەلە ەپوپەيانىڭ ەكىنشى ماۋسىمى ەكى پارەللەل سيۋجەتتىك جەلى نەگىزىندە ءوربيدى. بىرىنشىسىندە ⅩⅨ عاسىرداعى قازاق تۇرمىسى كورىنىس تاپقان.   ەكىنشى سيۋجەتتىك جەلى بويىنشا، وقيعا 1975 -جىلداردان باستالىپ، قازاقستاننىڭ تاۋەلسىزدىك العان كەزەڭىنەن اياقتالادى.   كوتەرگەن تاقىرىپ پەن وقيعالار تىزبەگى كورەرمەنگە وي سالادى. ابايدىڭ قارا سوزدەرىندەگى فيلوسوفيالىق وي- تولعانىستار فيلمدە وسىلايشا ناقتى مىسالدار ارقىلى كورىنىس   تاۋىپ وتىر.

مۇرات بيدوسوۆ، قويۋشى رەجيسسەر - ابايدىڭ قارا سوزدەرىن وقىعان ادام بولاتىن بولسا، ول جاتقان فيلوسوفيا، نامىسقا تيەتىن سوزدەر وتە كوپ، قازاقتىڭ نامىسىنا تيەتىن سوزدەر وتە كوپ. ءبىز سول سوزدەردى كينو تىلىنە جاقىنداتۋعا تىرىستىق. سوعان اسسوتسياتسيا ويلادىق.

اكتەر مەدعات ومىراليەۆ بۇل فيلمدە قابەن ەسىمدى كولحوز ديرەكتورىنىڭ ءرولىن سومدادى. كەيىپكەرى باسشىلىق قىزمەتتە جۇرسە دە، قاراماعىنداعى جىگىتتەرگە قول ۇشىن بەرەتىن، جۇمىسىنا جاۋاپتى ءارى بىربەتكەي ادام.

  مەدعات ومىراليەۆ، اكتەر - قابەن   - ءوزىنىڭ ايتقانىن ورىنداتپاي قويمايتىن، ءوزىنىڭ ءبىر جىگىتتىك مىنەزى بار، ءبارىن ىسپەن دالەلدەيتىن، اتا- باباسىنان جالعاسىپ كەلە جاتقان تەكتىلەردىڭ ءبىرى. تەك جاقسىلىقتى ونەگە قىلىپ، ۇستاناتىن سونداي ءبىر وبراز. قولدان كەلگەنشە وينادىق. بارلىق باعانى بەرەتىن حالىق قوي. حالىقتىڭ   كوڭىلىنەن شىعامىز دەگەن ويدامىز.

  استانالىق كورەرمەن الدىن الا كورسەتىلىم كەزىندە ەكىنشى ماۋسىمنىڭ ءبىرىنشى ءبولىمىن عانا تاماشالادى. «قالعان سەريالارىن «حابار» ارناسىنان مىندەتتى تۇردە تاماشالايمىز» ،  - دەدى ولار.  

ءادىل احمەتوۆ، قوعام قايراتكەرى - بۇعان تەك   قۋانۋىمىز كەرەك. «حابار» ارناسىنا مەن راحمەت ايتقىم كەلىپ تۇر. بۇل حالىقتىڭ ءوزىنىڭ قۇندىلىعىنا قايتىپ ورالۋ دەگەن ءسوز. جالپى كينو ونەرى بىزدە كەنجەلەپ قالعان بولاتىن. مىنەكەي قازىر كينو ونەرى قالىپتاسىپ كەلە جاتىر. كەشكە جاقىن جۇمىستان قايتقاننان كەيىن ەلدىڭ ءبارىنىڭ كورەتىنى كينو عوي. كۇندە تەاترعا بارمايدى.

 ال كۇنى بۇرىن تاريحي تۋىندى اۆتورلارى مەن شىعارماشىلىق ۇجىم الماتىلىق كورەرمەنمەن كەزدەسىپ، فيلمنىڭ تۇساۋكەسەرىن وتكىزگەن بولاتىن.   ايتا كەتەيىك، «اقىلدىڭ كىلتى. ءومىرداستان» تەلەەپوپەياسى 5 - قازاننان باستاپ دۇيسەنبى- جۇما كۇندەرى ارالىعىندا ساعات 19.40-تا «حابار» ارناسىنىڭ ەفيرىنەن كورسەتىلەدى.

www.khabar.kz