يپوتەكالىق نەسيە بويىنشا پايىزدىق ءوسىم 2 ەسە تومەندەتىلەدى - ۇلتتىق ەكونوميكا ءمينيسترى
بۇل تۋرالى بۇگىن اقوردادا ق ر پرەزيدەنتىنىڭ توراعالىعىمەن وتكەن ۇكىمەتتىڭ كەڭەيتىلگەن وتىرىسىنان كەيىنگى بريفينگتە ۇلتتىق ەكونوميكا ءمينيسترى قۋاندىق بيشىمبايەۆ ءمالىم ەتتى.
«قازىر پايىزدىق ستاۆكالار بارىنشا جوعارى بولىپ وتىر. بىزدە ەسەپتەۋلەر جۇرگىزۋ قاجەت. ءبىز يپوتەكالىق نەسيە بويىنشا پايىزدىق ستاۆكا كەمىندە 2 ەسە تومەندەيتىندىگىنە ءۇمىت ارتامىز»، - دەدى ق. بيشىمبايەۆ.
ءمينيستردىڭ اتاپ وتۋىنشە، پرەزيدەنت تاپسىرماسىنا سايكەس، يپوتەكالىق نەسيە بويىنشا پايىزدىق ستاۆكانى تومەندەتۋ سۋبسيديالاۋ ەسەبىنەن جۇزەگە اسىرىلاتىن بولادى. بۇعان قوسا، قارجى نارىعىنان بيۋدجەتتەن تىس قارجى تارتۋ ارقىلى، «تۇرعىن ءۇي جيناق بانكى» جەلىسى ارقىلى قۇرىلىستار دا جالعاسادى. بۇل قاراجاتتىڭ قۇنىن تومەندەتۋ ءۇشىن مەملەكەتتىك قولداۋ تەتىكتەرى دە قاراستىرىلماق. سوڭعى ناتيجەدە بۇل مەملەكەتكە ارزانعا تۇسەدى جانە نەگىزگى قارجى سالماستان تۇرعىن ءۇيدىڭ قاجەتتى كولەمىن سالۋعا مۇمكىندىك بەرەدى.
