ەل بيۋدجەتى سالىقتىق جەڭىلدىكتەر سالدارىنان جىلىنا 2 تريلليون تەڭگەدەن قاعىلادى - بيشىمبايەۆ
بۇل تۋرالى بۇگىن جۇرتشىلىقپەن سالىق ساياساتىنىڭ نەگىزگى باعىتتارىن تالقىلاۋ بارىسىندا ق ر ۇلتتىق ەكونوميكا مينيسترلىگى قۋاندىق بيشىمبايەۆ ءمالىم ەتتى.
«ءبىز سالىقتىق جەڭىلدىكتەر بويىنشا جىلىنا شامامەن 2 تريلليون تەڭگە جوعالتامىز. بۇگىنگى كۇنى ەلىمىز ۇسىناتىن بارلىق جەڭىلدىكتەرگە بەرىلەتىن باعا وسىنداي. ءبىز مۇنان دا كوپ جوعالتامىز. سەبەبى وتە كوپ ادامدار قوسىلعان قۇن سالىعى بويىنشا ەسەپكە مۇلدەم تىركەلمەيدى دە. شىندىعىن ايتقاندا ءبىز كەزىندە بىرەۋلەردىڭ ىقپالىمەن ەنگىزىلگەن بارلىق ستاندارتقا ساي ەمەس جەڭىلدىكتەردى سالىق كودەكسىنەن الىپ تاستاعىمىز كەلەدى»، - دەدى مينيستر.
سونىمەن قاتار ق. بيشىمبايەۆ زاڭ جوباسىندا كوزدەلگەن جاڭا جەڭىلدىكتەر جايىندا دا ايتىپ بەردى. ماسەلەن، ونىڭ سوزىنە قاراعاندا تەمىر جولمەن اقتاۋ تەڭىز پورتىنا دەيىن جەتكىزىلەتىن تاۋارلاردان سالىق الىنبايدى. جولدىڭ بۇل بولىگى حالىقارالىق تاسىمال جولىنىڭ بولىگى سانالاتىن بولادى.
مۇنان بولەك، زاڭ جوباسىندا سالىقتىق جانە كەدەندىك اكىمشىلەندىرۋ بولىگىندە سالىق جانە كەدەن داۋلارىن سوتقا دەيىنگى رەتتەۋ، بارلىق ققس تولەۋشىلەر ءۇشىن مىندەتتى ەلەكتروندى شوت- فاكتۋرالاردىڭ كوشىرمەسىنە كەزەڭ- كەزەڭمەن كوشۋ، سالىقتىق نەمەسە كەدەندىك تەكسەرۋلەر جۇرگىزۋ بارىسىندا ە- اۋديت (ەلەكتروندى اۋديت) ەنگىزۋ مەرزىمدەرىن اۋىستىرۋ، سالىقتىق ەسەپتىلىك نىساندارىن وڭتايلاندىرۋ بويىنشا تۇزەتۋلەر كوزدەلگەن.
اۆتور: مارلان جيەمباي
