ءۇش اعايىندىنىڭ ولىمىنە قاتىستى كۇدىكتىلەر 2 ايعا قامالدى
بۇل تۋرالى الماتى وبلىستىق سوتتىڭ سايتى حابارلادى.
ەسكە سالا كەتەيىك، 18 - قىركۇيەك كۇنى، ۇزىناعاش بازارىندا مال ساتۋمەن اينالىسقان ءۇش جىگىتتىڭ جوعالىپ كەتكەندىگى حابارلانعان.
1979 -جىلى تۋعان دولدان ۇلى جارقىنبەك، 1973 -جىلعى زارلىحان ۇلى مۇقيات پەن ءالىمحان قادىلبەك ەسىمدى جىگىتتەر قىلمىسكەرلەر قولىنان قازا تاپتى.
قازاعا ۇشىراعان ازاماتتاردىڭ تۋىستارى سوت ساراپتامالىق ورتالىعىنان ءۇش ءمايىتتى الماتى وبلىسى كوكسۋ اۋدانىنا اپارىپ جەرلەدى.
24 - قىركۇيەكتە الماتى وبلىستىق ىشكى ىستەر دەپارتامەنتىنىڭ باسپا ءسوز قىزمەتى ءىز- ءتۇزسىز جوعالعان ءۇش اعايىندىنىڭ ولىمىنە قاتىستى كۇدىكتىلەر ۇستالعانىن حابارلادى. ق ر ق ك 99 - بابى 2 - ءبولىمى بويىنشا سوتقا دەيىنگى تەرگەۋ امالدارى باستالدى.
كىسى ءولتىرۋ فاكتىسى بويىنشا تەرگەۋ جۇمىستارى الماتى وبلىستىق ىشكى ىستەر دەپارتامەنتى باسشىلىعىنىڭ قاتاڭ باقىلاۋىنا الىنعان.
قازاقستاننىڭ پرەمەر- ءمينيسترى باقىتجان ساعىنتايەۆ ق ر ءى ءى م مينيسترىنە قىلمىستىق ءىستىڭ تەرگەۋ بارىسىن ءوز باقىلاۋىنا الۋدى تاپسىردى.
