18:14, 15 - قىركۇيەك 2016 | GMT +5
تاجىكستان پرەمەرى ءبىرىنشى ورىنباسارى ۇلىنىڭ كىناسىنەن 2 ادام قازا تاپتى
استانا. قازاقپارات - تاجىكستان پرەمەر-ءمينيسترىنىڭ ءبىرىنشى ورىنباسارى داۆلاتالي سايدوۆتىڭ ۇلى - 23 جاستاعى فيرۋز سايدوۆ جاساعان جول- كولىك اپاتىنان ەكى ادام قازا تاپتى، دەپ حابارلادى تاجىكتا.
«10- قىركۇيەك كۇنى فيرۋز سايدوۆ ءوزىنىڭ Toyota Camry ماركالى اۆتوكولىگىمەن قالالىق كوممۋنالدىق قىزمەت اۆتوكولىگىمەن سوقتىعىستى، سالدارىنان ەكى ادام كوز جۇمدى»، - دەلىنگەن حابارلامادا.
اتاپ ايتقاندا، جول-كولىك اپاتىنان 25 جاستاعى قالا تۇرعىنى مەن 30 جاستاعى قالالىق كوممۋنالدىق قىزمەت قىزمەتكەرى قازا تاپتى.
اپاتقا كىنالى بولعان شەنەۋنىكتىڭ ۇلى ءتۇرلى جاراقاتپەن اۋرۋحاناعا جاتقىزىلدى.
