16:20, 22 - شىلدە 2016 | GMT +6
ارحەولوگتار چەليابى وبلىسى اۋماعىنان 2 مىڭ جىل بۇرىن ءومىر سۇرگەن ادامنىڭ قاڭقاسىن تاپتى
استانا. قازاقپارات - رەسەيلىك ارحەولوگتار چەليابى وبلىسى «اركايم» قورىعىنداعى قورىمداردىڭ بىرىندەگى قازبا جۇمىستارى كەزىندە 2 مىڭ جىل بۇرىن تىرشىلىك كەشكەن، باس سۇيەگى سوزىلعان ادامنىڭ ءمايىتىن تاپتى.
بۇل تۋرالى ت ا س س قورىق مۇراجايىنىڭ مەڭگەرۋشىسى ماريا ماكۋروۆاعا سىلتەمە جاساپ حابارلادى.
«قورىمداردىڭ بىرىندە ارحەولوگتار ءقابىر شۇڭقىرىن تازالادى. ودان جەرلەنگەن ادامنىڭ ءمايىتى تابىلدى. باس سۇيەگىنىڭ ءپىشىنى سوزىلىڭقى. بۇل شامامەن 1800-2000 مىڭ جىل بۇرىن ءومىر سۇرگەن ايەلدىڭ ءمايىتى بولۋى مۇمكىن»، - دەدى مۇراجاي مەڭگەرۋشىسى.
ونىڭ سوزىنە قاراعاندا، الداعى ۋاقىتتا انتروپولوگتار ءمايىتتىڭ جىنىسى مەن جاسىن انىقتاۋ ءۇشىن زەرتتەيتىن بولادى.
«قورىمدا تەمىر پىشاق، ۇساق مونشاق پەن كەراميكالىق قۇمىرانىڭ بولشەكتەرى تابىلدى»، - دەپ قوستى ماكۋروۆا.
