الماتىدا اناسى بالاسىن 2 مىڭ دوللارعا ساتپاق بولعان

استانا. قازاقپارات - جامبىل وبلىسى مەركە اۋدانىنىڭ ەلدى مەكەندەرىنىڭ ءبىرىنىڭ 25 جاستاعى تۇرعىنى ءوز بالاسىن ساۋداعا قويدى.

مەگاپوليستە ەكى اپتا بويى ايەل بالاسىنا ساتىپ الاتىن ادام ىزدەگەن.

بۇل تۋرالى الماتى قالاسى ءى ءى د باسپا ءسوز قىزمەتى Facebook جەلىسىندەگى پاراقشاسىندا حابارلادى.

«قىزى 1 جاس 3 اي. ماتەريالدىق پايدانى ويلاعان ايەل ءوزىنىڭ 51 جاستاعى تانىسىنىڭ كومەگىمەن بالاسىن ساتپاق بولدى. بىرنەشە كۇننەن كەيىن جاڭا انا اتانۋعا ءتيىستى كانديدات تابىلدى. ول كەزدە ايەلدەر بالا ءۇشىن 2 مىڭ دوللار سۇراعان.

قىزدى ساتىپ الۋشىعا تاپسىرار كەزىندە جانە اقشانى الىپ جاتقاندا كۇدىكتىلەر قولعا ءتۇستى. ولاردى ءتىنتۋ كەزىندە جالپى سوماسى 670 مىڭ تەڭگەنى قۇرايتىن قاراجات تابىلدى. بەلگىلى بولعانداي، 200 مىڭ بالانىڭ بيولوگيالىق اناسىنا، قالعان 470 مىڭى دەلدال ايەلگە تيەسلى بولعان ەكەن»، - دەپ حابارلادى الماتى قالاسى ءى ءى د ۇيىمداسقان قىلمىسپەن كۇرەس بويىنشا باسقارماسىنان.

جەدەل قۇرىلىمدا اتاپ وتكەندەي، ءبىر كۇن بۇرىن اناسى قىزىن بوتەن ايەلگە 50 مىڭ تەڭگەگە ساتقان. كەيىن 2 مىڭ دوللار ۇسىنعان ساتىپ الۋشى پايدا بولعان سوڭ ا. ەسىمدى ازاماتشا قىزىن الىپ، جاڭا كەلىسىمگە دايىندالعان.

«كامەلەت جاسقا تولماعان بالانى ساۋدالاۋ ءىسى بويىنشا سوتقا دەيىنگى تەرگەۋ امالدارى باستالدى. ۇستالعاندار ق ر ق پ ك 128-بابىنا سايكەس ۋاقىتشا ۇستاۋ وقشاۋلاعىشىنا قامالدى. ءىستىڭ وزگە اقپاراتتارى كەيىن انىقتالادى»، - دەدى باسپا ءسوز قىزمەتىندە.