قاجەتتىلىك تۋىنداسا ۇكىمەت دۇنيەجۇزىلىك بانكتەن 2 ميلليارد دوللارعا دەيىن قارىز الا الادى - ب. سۇلتانوۆ
بۇگىن ءماجىلىستىڭ جالپى وتىرىسىندا ق ر قارجى ءمينيسترى باقىت سۇلتانوۆ وسىلاي ءمالىم ەتتى.
ەسكە سالساق، جالپى وتىرىستا «قازاقستان رەسپۋبليكاسى مەن حالىقارالىق قايتا قۇرۋ جانە دامۋ بانكى اراسىنداعى قارىز تۋرالى كەلىسىمدى راتيفيكاتسيالاۋ تۋرالى» زاڭ جوباسى تالقىلانعان بولاتىن. ول بويىنشا دۇنيەجۇزىلىك بانك قازاقستانعا ماكروەكونوميكالىق باسقارۋ جانە ەكونوميكانىڭ باسەكەگە قابىلەتتىلىن ارتتىرۋ ساياساتىن قارجىلاندىرۋ ءۇشىن 1 ميلليارد دوللار مولشەرىندە قارىز بەرەدى.
«بۇل دۇنيەجۇزىلىك بانكتەن الىنىپ وتىرعان ءبىرىنشى كرەديت. ءبىز اتالمىش بانكپەن قارىز اياسىنداعى كەلىسسوزدەردى 2013 -جىلى باستاعان بولاتىنبىز. 2014 -جىلى بيۋدجەتتىڭ اتقارىلۋى بويىنشا پروبلەمالار ورىن الىپ، بيۋدجەتتى ەكى مارتە ناقتىلاعان ەدىك. بىلتىر دا بيۋدجەتتى ەكى مارتە تۇزەتتىك. سوندىقتان دا، الەمدىك نارىقتا مۇناي باعاسىنىڭ تومەندەۋىنە بايلانىستى تۋىنداعان پروبلەمالار ورنىقتىلىققا، بيۋدجەتتىڭ كىرىس بولىگىنە اسەر ەتتى»، دەدى مينيستر.
ونىڭ ايتۋىنشا، وسىنداي تۇسىمدەردىڭ تومەندەۋىنە بايلانىستى بيۋدجەت تاپشىلىعى بىلتىر ءۇش پايىزعا دەيىن ارتتىرىلدى. بيىل دا تاپشىلىق شامامەن ءۇش پايىزعا بولجانعان بولاتىن.
«ازىرشە بيۋدجەت تاپشىلىعى ءبىر پايىز شاماسىندا تۇراقتاپ وتىر. نەگىزىنەن ءبىز دۇنيەجۇزىلىك بانكپەن كەلىسسوزدەردى ەكى ميلليارد دوللار كولەمىندە جۇرگىزگەن بولاتىنبىز. سوندىقتان دا ءبىرىنشى كرەديت بويىنشا ءبىر ميلليارد دوللارمەن شەكتەلىپ وتىرمىز. دەگەنمەن، الداعى ۋاقىتتا ەلىمىز ءۇشىن تاعى ءبىر ميلليارد دوللار الۋعا قاجەتتىلىك تۋىنداسا، وندا ءبىز ونى تارتا الامىز. قازىرشە بۇنداي قاجەتتىلىك تۋىپ وتىرعان جوق، سوندىقتان ءبىر ميلليارد دوللارمەن شەكتەلەمىز»، - دەدى ب. سۇلتانوۆ.
اۆتور: قانات مامەتقازى ۇلى
