كۋالىك پەن پاسپورتتى 2 كۇندە الۋعا بولادى

استانا. قازاقپارات - 1 -ساۋىردەن باستاپ ەلىمىزدىڭ بىرنەشە قالاسىندا كۋالىكتەر مەن پاسپورتتار 2 كۇندە دايىن بولادى.

بۇل تۋرالى ق ر ىشكى ىستەر مينيسترىنىڭ ورىنباسارى ەرلان تۇرعىمبايەۆ باسپا ءسوز ماجىلىسىندە ايتتى، دەپ حابارلايدى BNews.kz.

«بيىل پاسپورتتار مەن جەكە كۋالىكتەردى بەرۋ مەرزىمىن قىسقارتۋ ءۇشىن قۇجاتتار ازىرلەيتىن قوسىمشا ورتالىقتار اقتوبە قالاسىندا، 2014 -جىلى شىمكەنت قالاسىندا اشىلدى. بۇل قۇجات بەرۋ مەرزىمىن 30 جۇمىس كۇنىنەن 15 جۇمىس كۇنىنە دەيىن قىسقارتتى»، - دەدى ۆيتسە- مينيستر.

ونىڭ ايتۋىنشا، سونىمەن بىرگە بيىلعى جىلدىڭ 1 -ساۋىرىنەن باستاپ قۇجاتتاردى بەرۋ مەرزىمى جەدەلدەتىلەدى، ەندى استانا، الماتى، اقتوبە، شىمكەنت قالالارىندا كۋالىكتەر مەن پاسپورتتار 2 جۇمىس كۇنى، ال وبلىس ورتالىقتارىندا 4 جۇمىس كۇنى ىشىندە دايىن بولادى.