جاپونيانىڭ ساپپورو قالاسىندا ءداستۇرلى قار فەستيۆالىنە 2 ميلليونعا جۋىق ادام قاتىسادى - فوتو

استانا. قازاقپارات - بۇگىن جاپونيانىڭ ەڭ ءىرى قالالارىنىڭ ءبىرى ساپپورودا قار مەن مۇزدان جاسالعان مۇسىندەردىڭ ءداستۇرلى فەستيۆالى باستالادى.

ۇيىمداستىرۋشىلاردىڭ ايتۋىنشا، شاراعا 250 مۇزدان جاسالعان مۇسىندەر، 2 ميلليونعا جۋىق ادامدار قاتىسادى. بۇل تۋرالى جەرگىلىكتى ب ا ق حابارلادى.

جىل سايىن جاپونيانىڭ سولتۇستىگىندەگى حوككايدو ارالىنداعى ساپپورو قالاسىندا قار فەستيۆالى وتەدى. شارادا مۇز بەن قاردان جاسالعان مۇسىندەر قويىلادى. 2016-جىلى فەستيۆال 67- رەت وتكەلى وتىر. ول 18- اقپانعا دەيىن جالعاسادى.

فەستيۆالعا كولەمى بىرنەشە ونداعان مەترگە جەتەتىن 250 دەن استام ءمۇسىن كورسەتىلەدى. بۇدان باسقا، شارا اياسىندا ۇزدىك مۇز ءمۇسىنى انىقتالادى. وعان بيىل قىتاي، يندونەزيا، سينگاپۋر، تايلاند، باتىستان - لاتۆيا، پولشا، ا ق ش، ليتۆا، ت. ب. ەلدەردەن كوماندالار قاتىسادى.