سەمەيدە بيىكتىگى 2 مەتردەن اساتىن قار جاۋدى - فوتو، كەسكىن

استانا. قازاقپارات - 25- جەلتوقساننان باستاپ توقتاۋسىز جاۋعان قاردىڭ سالدارىنان شىعىس قازاقستان وبلىسىنىڭ تۇرعىندارى ۇيلەرىندە قامالىپ وتىر دەپ قابارلايدى NUR. KZ باسىلىمىنا تۇراقتى وقىرماننىڭ ءبىرى.

ايتۋلارىنشا، قىلاۋلاپ تۇسكەن قاردىڭ بيىكتىگى جەر ۇيلەردىڭ توبەسىنە دەيىن جەتتى. تولاسسىز جاۋعان اق ۇلپا ەڭ ءبىرىنشى سەمەي قالاسىنا جاقىن كوكبەكتى اۋىلىن باسىپ قالعان. قازىر جۇرتشىلىق قولدا بار قۇرال-جابدىقپەن تەك ۇيلەرىنىڭ كىرە بەرىسىن عانا تازارتىپ جاتىر.

تۇرعىنداردىڭ ايتۋىنشا، بۇل وڭىردە بيىك قار جىلدا جاۋادى. ال بيىلعىداي از ۋاقىتتا بىردەن 2 مەتر ءتۇسۋىن ەشكىم كۇتپەپتى. كوشەلەردە دە جول جابىلىپ قالعان. اۋىل اراسىمەن قاتىنايتىن جەڭىل ماشينالارمەن جۇرمەك تۇگىل، ونى قاردىڭ استىنان ارشىپ الۋدىڭ ءوزى مۇڭ بولىپ وتىر.

سونداي-اق قالىڭ قار شىعىس قازاقستانداعى زىريان قالاسىنا دا تۇسكەن.