13:42, 18 - جەلتوقسان 2015 | GMT +5
جاپونيا بيلىگى 2 قىلمىسكەردى دارعا استى
استانا. قازاقپارات - جاپونياداعى القابيلەر سوتىنىڭ ۇكىمىنە سايكەس ەكى قىلمىسكەر دارعا اسىلدى.
ولاردىڭ ءبىرى ساتوسي تسۋدا 2009-جىلى 3 ادامنان تۇراتىن وتباسىنى ولتىرگەنى ءۇشىن، ال ەكىنشى قىلمىسكەر توناۋ ماقساتىندا 2 ادامنىڭ ءومىرىن قيعاندىعى ءۇشىن كىنالى دەپ تانىلعان ەدى، دەپ حابارلايدى NHK.
ۇكىمەت باسىنا پرەمەر-مينيستر سيندزو ابە كەلگەننەن بەرى ەلدە ءولىم جازاسى 14 رەت ورىندالعان. حالىقارالىق قۇقىق قورعاۋ ۇيىمدارى جاپونيانى دارعا اسۋ ارقىلى ءولىم جازاسىن ورىنداۋدى مۇلدە توقتاتۋعا شاقىرۋدا.
ءبىراق، جاپونداردىڭ باسىم بولىگى جازانىڭ بۇل ءتۇرىن قولدايدى ەكەن.
گ. ابيلوۆا
www.24.kz
