ك. ءماسىموۆ قىتايدا 2-دۇنيەجۇزىلىك ينتەرنەت- كونفەرەنسيانىڭ اشىلۋىنا قاتىستى
ۋجىن ءسامميتىنىڭ قاتىسۋشىلارى الدىندا ءسوز سويلەگەن كارىم ءماسىموۆ بيىل ينتەرنەتتىڭ پايدا بولعانىنا 46 جىل تولعانىن اتاپ ءوتتى.
«50 جىلعا جەتەر- جەتپەس ۋاقىتتا ينتەرنەت پەن اقپاراتتىق تەحنولوگيالار تەحنولوگيالىق دامۋدىڭ داڭعىل جولىن اشتى، ول 1969 -جىلى ا ق ش- تا ءبىر ەسەپتەۋ ماشيناسىنان ەكىنشىسىنە «LOGIN» ءسوزىن جىبەرۋدەن باستالعان ەدى» ، - دەدى ك. ءماسىموۆ.
بۇگىنگى تاڭدا الەمدە 3,2 ميلليارد ينتەرنەت پايدالانۋشىلار بار، ولاردىڭ%50 ازيادا، ال %60 استامى - دامۋشى ەلدەردىڭ ازاماتتارى، دەپ اتاپ ءوتتى ول.
«ينتەرنەت ءومىرىمىزدى وزگەرتىپ، اقپاراتتى الۋ مەن جەتكىزۋدىڭ، قارىم- قاتىناس جاساۋدىڭ جاڭا تاسىلدەرى پايدا بولدى» ، - دەدى ۇكىمەت باسشىسى.
ك. ءماسىموۆ دامىعان ەلدەردە ينتەرنەت تەحنولوگيالارمەن، ونىڭ ىشىندە موبيلدى جانە بۇلتتى تەحنولوگيالارمەن، بۇيىمدار ينتەرنەتىمەن (Internet of Things) ، اۋقىمدى مالىمەتتەردى وڭدەۋ تەحنولوگيالارىمەن (Big Data) وندىرىستەردى كىرىكتىرۋ جۇمىستارى باستالعانىن ايتتى.
«وسى ارقىلى « ءتورتىنشى يندۋستريالدىق توڭكەرىس» ەلەمەنتتەرى قالىپتاسۋدا، بولاشاقتا جەكەلەگەن وندىرىستەر مەن جالپى ەلدەردىڭ باسەكەگە قابىلەتتىلىگى سوعان بايلانىستى بولادى» ، - دەپ ءتۇيدى ق ر پرەمەر- ءمينيسترى.
