پروكۋراتۋرا جامبىل وبلىسىندا قۇلاعان «ان-2 پ» ۇشاق اپاتىنىڭ سەبەبىن اتادى
«قازاقستان رەسپۋبليكاسى باس كولىك پروكۋراتۋراسىنىڭ ارنايى پروكۋرور باسشىلىق ەتكەن تەرگەۋ توبى 2015-جىلى 20- قاڭتاردا جامبىل وبلىسى «شاتىركول» كەنىشىنىڭ ماڭىندا قۇلاعان «OLIMP AIR» ج ش س اۋە كومپانياسىنىڭ «ان-2 پ» ۇشاق اپاتىنا قاتىستى سوتقا دەيىنگى تەرگەۋدى اياقتادى.
قازاقستان رەسپۋبليكاسى ينۆەستيتسيا جانە دامۋ مينيسترلىگىنىڭ ۆەدومستۆولىق كوميسسياسى تاۋەلسىز اۋە ماماندارىن تارتا وتىرىپ، اپاتقا سەبەپ دەپ بولجانعان وقيعالاردىڭ بارلىعىن تەكسەردى. انىقتالعانداي، اپاتقا مەتەرولوگيالىق جاعداي ناشار كەزدە، ياعني، تۇماندى اۋا رايىندا بۇرىس ارەكەتتەر جاساعان جانە جەر باعدارلارىن كورۋگە مۇمكىندىگى بولماسا دا، ۇشۋ بيىكتىگىن ساقتاماعان ەكيپاجدىڭ ارەكەتى سەبەپ بولعان. ۇشاق ىشىندەگى بيىكتىكتى ولشەيتىن راديو ولشەۋىش ءسوندىرۋلى بولعان»، دەپ حابارلادى كولىك پروكۋراتۋراسى.
ەكيپاج مۇشەلەرىنىڭ بارلىعى قازا تاپقاندىقتان، اۋە كەمەسىن پايدالانۋ جانە قوزعالىس قاۋىپسىزدىگىن بۇزۋ باپتارى بويىنشا ەكيپاج مۇشەلەرىنە قاتىستى قىلمىستىق ءىس توقتاتىلدى.
ەستەرىڭىزگە سالا كەتەيىك، 2015-جىلدىڭ 20- قاڭتارىندا جامبىل وبلىسىندا «ان- 2 پ» ۇشاعى قۇلاپ، بورتتاعى التى ادام قازا تاپسا، اۋىر جاراقات العان ءا. شاياحمەتوۆا عانا امان قالعان ەدى.
اۆتور: كەنجەكەي توقتامۇرات قىزى
