حيرۋرگتار وتا جاساۋ كەزىندە 2 جاسار بالانى ورتەپ جىبەرگەن
2 جاسار ناۋقاستىڭ پاپيللوماسىن الىپ تاستاۋ وتاسىن جاساۋ كەزىندە ەلەكتر قۇرالىنان ۇشقىن شىعىپ، ءبۇلدىرشىننىڭ استىندا جاتقان سپيرت سىڭگەن مايلىق جانا باستايدى.
«حيرۋرگ دارىگەردىڭ جول بەرگەن نەمقۇرايلىلعى سالدارىنان كىشكەنتاي جاستاعى ناۋقاس وڭ جاق قۇلاعى مەن بەتىن 1-2 دارەجەلى تەرميالىق كۇيىكتەر شالعان»، - دەپ باياندادى ر ف- نىڭ تۇمەن وبلىسى بويىنشا تەرگەۋ كوميتەتىنىڭ باسپا ءسوز قىزمەتىنەن.
يشيم اۋدانارالىق تەرگەۋ ءبولىمىنىڭ وكىلدەرى الاڭعاسار دارىگەردىڭ ۇستىنەن «ءومىر مەن دەنساۋلىق قاۋىپسىزدىگى تالاپتارىنا سايكەس كەلمەيتىن قىزمەتتەر كورسەتۋ» بابى بويىنشا ءىس قوزعادى. قىلمىستىق ءىستى تەرگەۋ جالعاسۋدا. ەگەر كۇدىكتىنىڭ كىناسى دالەلدەنسە، ول ەكى جىلعا باس بوستاندىعىنان ايىرىلۋى مۇمكىن، دەپ جازادى شەتەلدىك ب ا ق.
**
پاپيللوما (لات. papilla - ەمشەك + لات. oma - ىسىك) . اۋىز شىرىشتى قابىقتارىندا پايدا بولاتىن بۇرتىكتى قاتەرسىز ەپيتەليي ىسىگى. راكقا اينالىپ كەتۋى مۇمكىن اۋرۋ. كولەمى ءار ءتۇرلى بۇرتىكتى ىسىك مۇيىزدەنىپ، بەتى اعارىپ كورىنەدى.
