استانادا 2- رۋحاني مادەنيەت فورۋمىنا دايىندىق بارىسى تالقىلاندى
وسىعان وراي، ەلوردادا دۇنيەجۇزىلىك رۋحاني كەلىسىم كۇنى اياسىندا وسى فورۋمعا دايىندىق بارىسى تالقىلاندى. ايتا كەتەيىك، 2010-جىلى استانادا وتكەن 1- دۇنيەجۇزىلىك رۋحاني مادەنيەت فورۋمىنا الەمنىڭ 72 ەلىنەن 500 دەلەگات كەلگەن بولاتىن.
«استانا - الەمنىڭ رۋحاني استاناسى. بۇل جاس قالا ءوزىنىڭ الەمدىك دەڭگەيدەگى كوپتەگەن رۋحاني ءىس-شارالاردىڭ باستاماشىسى ەكەنىن بىرنەشە رەت دالەلدەدى. ەڭ ءبىرىنشى دۇنيەجۇزىلىك رۋحاني مادەنيەت فورۋمى دا بەيبىتشىلىكتىڭ قالاسى اتانعان وسى استانادا وتكەن ەدى. ال، بۇگىنگى تالقىلاۋ الەمدە بولىپ جاتقان وقيعالاردى بەيبىت جولمەن شەشۋ ارقىلى بۇكىل ادامزاتتى الاڭداتىپ وتىرعان سان ءتۇرلى ماسەلەنىڭ ءتۇيىسۋ نۇكتەسىن تابۋعا شاقىرادى»، - دەپ اتاپ ءوتتى بۇكىل الەمدىك رۋحاني مادەنيەت فورۋمى پرەزيديۋمىنىڭ وتىرىسىنا قاتىسقان ك س ر و حالىق ءارتىسى يوسيف كوبزون.
جالپى، وتىرىسىن بارىسىندا رەسەي، قىرعىزستان، گەرمانيا، اۆستريا، شۆەيتساريا، ليتۆا، ازەربايجان، ءۇندىستان مەن ا ق ش- تان كەلگەن قاتىسۋشىلار قوعامداعى وزەكتى ماسەلەلەردى شەشۋدىڭ جاڭا تەوريالىق جانە پراكتيكالىق جولدارىن قاراستىرىپ، ءوز ۇسىنىستارىن ءبىلدىردى.
سونىمەن قاتار فورۋم پرەزيديۋمىنىڭ مۇشەلەرى قازاقستان حالقى اسسامبلەياسى كەڭەسىنىڭ جۇمىسىنا قاتىسىپ، «استانا وپەرا» تەاترىندا وتكەن د. ۆەرديدىڭ «رەكۆيەم» كونسەرتىن تاماشالادى.
اۆتور: كەنجەكەي توقتامۇرات قىزى
