12:57, 20 - قىركۇيەك 2015 | GMT +6
اقمولا وبلىسىندا 2- حالىقارالىق بۇركىتشىلەر فەستيۆالى ءوتىپ جاتىر
استانا. قازاقپارات - اقمولا وبلىسىندا بۇركىتشىلەردىڭ II حالىقارالىق فەستيۆالى ءوتىپ جاتىر، دەپ حابارلايدى 24.kz.
ۇلتتىق سپورت تۇرلەرى قاۋىمداستىعى ۇيىمداستىرعان شاراعا ەلىمىزدەن بولەك 10 مەملەكەتتىڭ كىل مىقتى 20 قۇسبەگىسى قاتىسۋدا. قىران قۇستى قولعا ۇيرەتكەن سپورتشىلار بۋراباي باۋرايىندا ەكى كۇن بويى سايىسقا تۇسەدى. ءدۇبىرلى دودا بارىسىندا ولار بۇركىتتى قولعا شاقىرۋ، شىرعاعا سالۋ جانە ەركىن ۇشىرۋ كەزەڭدەرى بويىنشا باسەكەلەسەدى.
بۇدان بولەك شەتەلدەن ارنايى كەلگەن قۇسبەگىلەر مەن جەرگىلىكتى قىران قۇس يەلەرىنىڭ اراسىندا سەمينار-كەڭەس وتكىزىلمەك.
«بۇگىنگى II حالىقارالىق بۇركىتشىلەر فەستيۆالىنىڭ ماڭىزى زور. بۇل، ارينە، ءبىزدىڭ اتا-بابامىزدان كەلە جاتقان ءبىزدىڭ قانىمىزدا بار ونەر. ءبىزدىڭ ءتول ونەرىمىز. ءبىزدىڭ ۇلتتىق قۇندىلىقتارىمىزدىڭ ءبىرى»، - دەيدى ۇلتتىق سپورت تۇرلەرىنەن ق ر ەڭبەك سىڭىرگەن جاتتىقتىرۋشىسى رامازان ءساتتىباي.