ۇلتتىق بانك 2 ميلليون سالىمشىعا وتەماقى تولەيدى
ەرەجەلەرگە سايكەس، ۆاليۋتا باعامىنىڭ ايىرماسىنا قاراي تولەنەتىن وتەماقىنى ەكىنشى دەڭگەيلى بانكتەر مەن «قازپوشتا» ارقىلى اشىلعان دەپوزيتى بار سالىمشىلار الا الادى.
انىعىراق ايتقاندا، 1 ميلليون تەڭگەگە دەيىنگى دەپوزيتى بار سالىمشى قارجىسىن بانكتە تاعى ءبىر جىل ساقتاۋى كەرەك. كەلەسى جىلدىڭ 30 -قىركۇيەگىندە سالىمشى سول كەزدەگى جانە بيىلعى جىلدىڭ 18 -تامىزىنداعى دوللار باعامىنا قاراي وتەماقى الادى.
ماسەلەن، ءسىزدىڭ تەڭگەدەگى سالىمىڭىز 5 مىڭ ا ق ش دوللارىنا تەڭ بولسا، ءبىر جىلدان كەيىن دە ۆاليۋتا باعامىنا قاراماستان ءسىزدىڭ ەسەپشوتىڭىزداعى تەڭگەڭىز سول شامادا بولادى. داميليا بايدىلدايەۆا، ق ر ۇلتتىق بانكى قارجىلىق ساۋاتتى ارتتىرۋ باسقارماسىنىڭ باسشىسى:
- جەكە تۇلعانىڭ دەپوزيتتىك شوتىندا سوما قالدىعى 2015 -جىلعى 18 -تامىزداعى جاعداي بويىنشا 1 ميلليون تەڭگەدەن اسپاۋى ءتيىس. ياعني ءار سالىمشى وسى ءتارتىپ بويىنشا وتەماقى الۋ ءۇشىن وسى جىلدىڭ ءبىرىنشى قازان ايىنا دەيىن ءوز دەپوزيتى اشىلعان بانككە بارىپ، ارنايى ءوتىنىش جازۋى كەرەك.
ۇلتتىق بانك 2004-2009 -جىلدار ارالىعىندا الىنعان يپوتەكالىق نەسيەنى قايتا قارجىلاندىرۋ ماقساتىندا ءوز قورىنان 130 ميلليارد تەڭگە بولگەن بولاتىن. بۇل باعدارلاما بيىلعى جىلدىڭ ماۋسىم ايىنان باستاپ ىسكە اسىرىلۋدا. باعدارلاما تالاپتارى بويىنشا قارىزدىڭ قالدىعى 36 ميلليون تەڭگەدەن اسپاۋى ءتيىس. ۇلتتىق بانك باعدارلامانىڭ الەۋمەتتىك باعىتىن ەسكەرە وتىرىپ، بىرنەشە تولىقتىرۋلار ەنگىزدى.
داميليا بايدىلدايەۆا، ق ر ۇلتتىق بانكى قارجىلىق ساۋاتتى ارتتىرۋ باسقارماسىنىڭ باسشىسى:
- ول، بىرىنشىدەن، وسى زاڭناماعا سايكەس حالىقتىڭ الەۋمەتتىك وسال توپتارىنا جاتاتىن قارىز الۋشىلارعا قاتىستى، بانكتەر سوتقا بەرەشەك قارىزىنان تولەنگەن مەملەكەتتىك باج سومالارىنان وسى قارىز الۋشىلار بوساتىلىپ وتىر.
قايتا قارجىلاندىرۋ باعدارلاماسىنا ەنگىزىلگەن تاعى ءبىر وزگەرىس: دوللارمەن الىنعان يپوتەكالىق نەسيەلەر ۇلتتىق بانكتىڭ 18 -تامىزداعى رەسمي باعامىمەن قايتا قارجىلاندىرىلاتىن بولادى. وسى ۋاقىتقا دەيىن قايتا قارجىلاندىرۋ تۋرالى 6796 ءوتىنىش تۇسكەن. ونىڭ ىشىندە 3140 ءوتىنىش وڭ شەشىمىن تاپتى.
www.24.kz